先同居後結婚=婚前預演？少年你太年輕

同居呢兩個字看似簡單，但其實當中就有千萬種讀取方法，以字面去睇，同居咪就係等於「一齊住」囉，其實本身就同結婚無關，所以如果要將同居定義為試婚，呢個想法也實在係太天真！

之前就有JM向大家提取意見，問到:「建唔建議結婚前同居下先?」，其實結果都幾一面倒，喺呢個年代普遍人都認為同居無問題，甚至認為先同居後結婚係必需，有網友就話：「以結婚為前提，就一定會同居先！ 」、「唔同居過就結婚好冒險 」，除咗可以有助婚前體驗結婚生活，仲可以睇清楚對方嘅生活習慣，唔啱feel都仲可以走為上著嘛！不過當然都有比較傳統嘅JM唔贊成同居：「免得對方父母留有懷印象。」、「如果大家都視婚姻係白頭到老的話，其實同唔同居無所謂！」

而討論當中就有人提到「半同居」呢個選擇，而似乎先係皇道決擇，皆因半同居唔單只可以令兩人加深了解，而且係漸進式適應彼此生活習慣，喺磨合同時存有空間比大家嘆息；至於有人提到唔啱就分手，個人就認為同居或者半同居都應該係建基於結婚之上，又或者大家有一個堅定嘅方向，而同居最終目標係要「如何達至大家舒服嘅位置」，畢竟兩個出身於不同家庭，選擇共同生活，生活習慣或多或少點都有啲唔同，如果要因為唔同就分手，咁不如都係略過同居，直接分手啦！

總結各位智者嘅分析，其實你會發現同居都分好多種，喺作出呢個決定之前，都係「停一停，諗一諗」，認清自己嘅需要，真正了解你同另一半同居嘅定義，最忌就係自己一廂情願諗住婚前試婚，點知另一半只係想搬離屋企，根本無長遠打算，學呢位網友話齋：「千萬唔好因為愛得死去活來而草草同居...」

即上討論區一齊傾