2020-08-04

586

在職媽媽也能當稱職老婆 夫妻關係在乎溝通與尊重!

以前果代人,一旦生咗小朋友都會考慮辭咗份工,疊埋心水「常夫教子」,但而家時代唔同咗,好多媽媽都想繼續做嘢,唔想放棄份工,想建立自己嘅事業路。但係講到要兼顧事業同家庭真係唔容易,處理得唔好分分鐘會背負「不合格老婆」呢個罪名!

討論區熱話:有無在職媽媽是不懂煮食

討論區有JM探討在職媽媽識唔識煮嘢食係咪一個問題:
「懶就懶啦!邊有叫唔識嘅啫!」
「冇話懶唔懶woh,男人都可以煮,點解女人唔識煮就係懶?大家在唔同崗位發揮啫,人無完美。」
「其實大家都有對家庭付出,有啲女人叻工作賺錢,有啲叻煮飯湊仔,無衝突。但要尊重人地的選擇。」

討論區熱話:有無在職媽媽是不懂煮食

其實相信大部分嘅在職媽媽並非因為能力問題而煮唔到一餐好餸,而係身不己。試想像打工仔由朝做到晚無停手,要加班都人之常情,再面對老闆或者客人突然急call等情況,心理上嘅上班壓力同問題都需要時間去調節。有時媽媽都未回氣照顧好自己,一打開家門,教小朋友做功課、洗衫煮飯一腳踢,其實簡單煮到有餐飯落肚都已經合格有餘,好難花好多時間心思去諗煮咩「九大簋」。

你話好命就有屋企人或者請到工人姐姐幫下手分擔下湊小朋友或者打理家務,如果唔係真係咩都要自己搞掂!

況且何謂「好老婆」喺每人心目中嘅定義都唔一樣,要視乎每個家庭嘅狀況。如果本身有經濟壓力,媽媽有能力工作賺多個錢去分擔絕對係好事;在職媽媽透過工作唔好屈喺屋企同世界脫軌,同老公溝通反而更同步。好老婆嘅定義唔限於係煮一餐飯,亦唔應該由旁人去定義。

在職媽媽們千祈唔好聽到閒言閒語而覺得自己做得唔夠好而內疚,每個人喺家庭入面都擔當唔同嘅角色同任務,況且無人完美,唔好畀太大壓力自己。

講到尾,最有資格講係咪好老婆嘅都係自己老公,所以最重要就係同你嘅另一半有共識。夫妻之間要有足夠溝通,以及互相尊重。無論想當在職媽媽嘅原因係咩,係想擁有自己嘅事業,定係為咗幫補家庭支出又好;只要同老公好好溝通,大家了解同平衡過當中嘅利弊,雙方清楚生活點樣去安排就唔係問題啦!

【編按:以上內容為作者之個人意見及立場】

相關文章

【有苦自己知】在職媽媽的WFH日常:「對不起,媽媽的冷淡待慢了你!」

【在家理髮室】疫症下剪頭髮不求人?

停課不停學—「好聽唔好做」的家長心聲

在職父母抗疫心聲!在家工作=困獸鬥? 網民:畀我靜下得唔得!?

緊貼新冠肺炎最新相關資訊