現今社會「男主外，女主內」嘅做法愈來愈少，為咗維持家計、生活，唔少家庭夫婦兩人都會工作，平時已經忙，唔少女性回到家仲要做家務，真係想大呻「救命！」個人認為家務、整理唔一定由女性全包，那麼，點樣與另一半分配或處理「做家務」呢件事？
最近就有JM提出「唔明點解男人會覺得照顧家頭細務就要係女方」嘅話題，關於這個話題，JW亦提究竟結婚為咩。呢位JW亦表示丈夫會叫自己「得閒執下屋、曬衫曬得衰」嘅說話，如果家務只由女人來做，其實再強的女人，身心都幾難受！個人認為如果丈夫是抱感謝、感恩嘅心態，尼位JW就唔會咁灰，大家可以有商有量，一齊分擔。
有網友指其實可以請個鐘點來分擔，畢竟唔需要太計較誰做得多家務，誰做得少，有個鐘點幫輕一下，糾紛少咗，家亦整頓咗，其實未免唔係一個好方法。亦有網友分享經驗：「好好地平心靜氣傾一次，將自己嘅期望好好地表達俾對方知…」
個人應該婚姻唔係一紙婚書咁簡單，結婚究竟為咩？結婚就係兩人確認下半生會互相扶持和鼓勵，互相學習和成長，大家可以同富貴亦可以共患難，如果遇到問題，千萬唔好只放系心中，這只會令問題堆積，二人可以選擇平心靜氣地溝通，嘗試找到平衡點。
