2020-03-17

6.9K

【婆媳關係】鎖匙俾奶奶=自出自入?JM指:「寧願俾自己呀媽都唔會俾99」

唔少新手爸爸、新手媽媽為咗有多一個人可以照顧BB,都希望有熟悉嘅家人可以幫忙,既安心又輕省!但是如果嗰個人可以隨便入屋、又住同一棟大廈,咁樣就令安心變費心、輕省變負擔,因為嗰個人喺奶奶。有JM自從喺BB出世後,奶奶會經常開門入屋,「BB而家六個月大,對於奶奶呢個做法我就越嚟越唔自在,好唔鍾意突然間有人自己開門入嚟」,應該都想過來人可以指點迷津:「點樣先至可以叫奶奶唔好再咁樣?」

即刻入討論區一齊傾:奶奶住樓下,自己開門自出自入

喺討論區中,有唔少JM有留言表明自己都將條匙俾奶奶,當作後備,但多數都係因為覺得冇所謂,但久而久之,就會出現唔少問題:

「最好係某段時間先上黎,咁係個段時間內,佢隨時上黎,你都有心理準備。」

「咁我寧願俾自己呀媽都唔會俾99,因為佢真係會覺得你俾左鎖匙就等於俾佢自出自入」

「同我99一樣,當初俾條匙佢係諗住做後備匙,唔係俾佢自出自入囉」

對於唔同嘅家庭,需要處理嘅婆媳關係都有唔同,但如果因為奶奶入屋係喺無預先通知的情況下,建議可以同奶奶先溝通,唔好換咗把鎖先通知老人家。不妨可以諗吓,奶奶點解會咁做?

十成有九成人都諗,奶奶應該係緊張剛出世嘅孫仔/孫女,所以唔少人覺得向老公投訴奶奶會成日上嚟係無用咖!有帖子提到奶奶會自出自入可能因為:「以前都唔會自己開門上嚟,但係生咗BB之後佢就自己開門」……原因大多都係因為關心個B!

其實用咩方法都好,又或者無論奶奶有幾煩、幾難溝通,佢嘅出發點都喺因為佢緊張、關心,如果唔係長期相處,只係短暫嘅情況,可以好好跟奶奶溝通,互相了解大家嘅想法,慢慢建立一個互相幫助嘅關係,就喺最好不過。當然,並唔喺每個奶奶都咁願意配合,反正都煩,不如同奶奶約定上門探BB、幫忙嘅時間,咁樣就真係先有機會做到既安心又輕省!

【編按:以上內容為作者之個人意見及立場】

相關文章

想照顧屋企又返到工?「媽媽更」工作崗位互補好幫手

拒行「禁足令」為咗長老慣咗晨運飲茶食個包?!網民:「我睇緊啲乜!」

奶奶唔怕肺炎拒戴口罩 日日照飲茶 新抱嬲爆:惹到BB點算?

疫情下奶奶召開多人飯局 網民:一定唔可以妥協!

緊貼新冠肺炎最新相關資訊