2020-07-02

2.2K

幾時生B都要被99操控?網民:呢個年代仲要追仔 真係唔通氣!

喺好耐好耐以前嘅封建社會,重男輕女嘅問題可以話係相當嚴重,如果入門之後生唔出BB,咁就一定係女方問題,又如果生唔到男B?你就將會淪為生仔機械(或者本來就係),不斷生、不斷生,一日生唔到,喺屋企就無地位,輕則言語上單單打打,仲唔比飽飯你食,重則更加要被逐出家門!

講咗咁耐,好似唔關大家作為「現代人」嘅事?但原來呢啲事,每日都仲係發生緊?最近就有JM問到大家有無被奶奶「催生」嘅經驗, 點知唔講由自可,一講就一發不可收拾,其實學JM們話齋:「生仔生女自己邊有得揀咖!追唔到唔通生10個廿個咩?我屋企人識有個長輩,佢以前俾佢99迫佢生仔,佢追到第9個都係女,佢最後有精神病。」

「其實我覺得呢個行為好老土,生唔生係兩公婆嘅事,做長輩要通氣啲囉!」

「我细個阿嫲成日罵我,點解唔係仔,又唔係我選擇到嘅,所以我第時都唔會理我啲仔女生唔生,唔生仲好。」

「生咗兩個仔,細仔依家兩個月,不斷俾人叫追女,呢個年代生咁多做咩,養唔使錢咩。」

討論區熱話:你哋99會唔會催你哋生B?

老老實實,Juicy媽真係想問屋企有好多個「好」字嘅家庭,又係咪真係咁好?成日話「貧賤夫妻百事哀」,若然生埋生埋根本都無呢個經濟能力去照顧,咁又好咩?其實最差嘅婆媳關係,莫過於奶奶下下將自己嗰套放喺呢代身上,硬係要將自己把尺放喺別人身上,你想有孫抱啫,又唔係人哋想生仔,講緊嘅係一世人嘅責任,為咗你開心,想同啲姨媽姑姐show off下,又會唔會係太自私呀!

討論區熱話:你哋99會唔會催你哋生B?

而講到個把「生仔尺」,除咗有人恨抱孫、恨抱男孫,現代仲有一種奶奶係唔想抱孫,皆因唔想自己個仔咁辛苦,生完之後,唔單止唔錫個孫,仲一日到黑嫌你花喺仔女身上嘅一分一毫都會令個仔好有壓力!其實個仔都咁大個,點睇都似係一家之主喇啩,家庭規劃唔識都要學啦,點解連生唔生B都要諸多阻撓,若然係咁唔想佢有壓力,唔啱搵個箱入住佢啦,一係當初你咪唔好生囉,做咩依家要叫人唔好生!

【編按:以上內容為作者之個人意見及立場】

相關文章

拒行「禁足令」為咗長老慣咗晨運飲茶食個包?!網民:「我睇緊啲乜!」

奶奶唔怕肺炎拒戴口罩 日日照飲茶 新抱嬲爆:惹到BB點算?

奉子成婚+雞同鴨講咁嘅婚姻注定無將來?網民:了解完都要識相輔相成!

斷絕母子關係咁嚴重?「林美戀」預告式婆媳糾紛戲碼

緊貼新冠肺炎最新相關資訊