2020-02-13

1.8K

疫症見人心!網民:一個口罩睇清楚好多人

肺炎疫情令人聞風喪膽,搶口罩、搶消毒用品、搶米、搶廁紙,總之就係係咩都搶一餐,你話啲人麻目、無理智?或者都係嘅,之但係喺一而再,再而三嘅口罩短缺情況,呢種等極都等唔到返貨嘅心情,實在觸動到太多人嘅神經!

喺全民搶罩嘅短短呢半個月入面,唔知你聽過幾多關於口罩嘅故事,當中總有啲令你激心?感動?甚至傷感?又或者呢啲事,正正係發生喺你身上?呢幾日就有JM忍不住要分享自己嘅經歷,分別講到朋友A平日好好先生咁款,點知扮無口罩之餘,仲暗暗炒賣都唔知合唔合規格嘅口罩;另一方面,朋友B為人粗魯又節儉,但就喺呢個情況,分毫不收將珍貴嘅口罩送到JM手上。

到底你身邊嘅同事、朋友係真君子定假小人?展現人性原來靠個口罩就搵到答案!

「時窮節乃現!」

「的確好多節檢嘅人,會雪中送炭!」

「錢真係事小,係睇清楚啲人嘅品格!」

討論區熱話:口罩睇清楚好多人
討論區熱話:朋友好窩心,送我一支酒精洗手液 & 抗疫湯包

討論區熱話:口罩睇清楚好多人
討論區熱話:朋友好窩心,送我一支酒精洗手液 & 抗疫湯包

成日都有話「一樣米養百樣人」,有人因為口罩撕開君子面具,有奶奶因為家嫂口罩存量高,即時轉晒面色,仲有人可以繼續發國難財,選擇食人血饅頭!不過好彩嘅係人性都仲有好嘅一面,除咗網上不時叫大家帶多個口罩出街,盡量幫助買唔到口罩嘅老人家同低收入人士,其實喺大家身邊都有好多充滿愛嘅故事!

「姑仔平時好小器,但原來送了20個給老公。」

「喺呢個時間裡看到家人好守望相助,感恩!」

其實鯊魚太真係好同意樓主所講,因為一個口罩睇清咗好多人,就連平日喺家庭群組唔多出聲嘅屋企人,都會問大家買唔買口罩,轉傳下重要資訊,或者呢啲時候正好畀個機會唔多識表達自己嘅家人分享愛;喺困境中,朋友嘅守望相助,屋企人嘅關心,所有嘅一舉一動都係充滿住溫暖,所以無論你睇到嘅係醜惡定係仁慈,點都算係件好事呀,係咪?

【編按:以上內容為作者之個人意見及立場】

相關文章

【口罩情報】《東張西望》主持戴透明口罩方便出鏡 真係防到病毒?

【口罩情報】新世界捐30萬隻自家生產口罩 基層家庭兒童受惠!

拒行「禁足令」為咗長老慣咗晨運飲茶食個包?!網民:「我睇緊啲乜!」

奶奶唔怕肺炎拒戴口罩 日日照飲茶 新抱嬲爆:惹到BB點算?

緊貼新冠肺炎最新相關資訊