2019-12-19

2.1K

【幼稚園放榜】媽媽也瘋狂!入唔到名幼等於Game Over? 

「養兒一百歲,長憂九十九」,仔女仲未有出世嘅時候,仍然唔理解呢句說話嘅真正含義,直至開始為囝囝挑選第一間幼稚園,為他們鋪設第一步嘅時候,開始理解呢份甜蜜嘅負擔。囝囝可以能考入一間適合嘅幼稚園,對於佢地將來升學黎講,係某程度上係有優勢既,但如果,連選擇嘅權利都冇嘅話,又可以點做呢?

一起來加入親子王國討論:K1面試全炒
一起來加入教育王國討論:純呻,小朋友冇一間名幼收

唉,試問世上難事何其多!今次係討論區中,亦見到唔少家長面對小朋友入讀幼稚園嘅問題都幾煩惱,有個家長分享面試全炒嘅心情,睇到都感到徬徨無助,JM有分享到「報咗好多間名幼都冇間收,連waiting都冇」、亦有家長大呻:「想請教下點樣可以增加小朋友的競爭力」等等,對家長黎講,一方面要安慰自己,另一方面又要為囝囡打算,真係要花唔少心力、腦力去處理尼個話題。

面對呢種無形嘅壓力,唔少JM紛紛安慰,亦有唔少過來人提供小貼士,不過呻還呻,作為囝囡家長,都要好好咁去調整情緒。無論小朋友係米可以入到心儀學校,講到尾,最緊要囝囡係開開心心、健健康康地成長!無論個間係唔係名幼,有家長分享:「小朋友應該搵一間適合佢style嘅學校」、「家長應該因材施教揀適合嘅學校,唔係追求名氣去揀學校」、「作為一個5歲小朋友的母親,當然希望佢健康快樂成長」……

作為家長,真係冇諗過原來報考幼稚園係甘費盡心力咖?身邊唔少家長朋友同我呻,講自己小朋友面試完後,一方面會為孩子嘅表現而感到擔憂,另一方面,係等待取錄嘅過程更係如坐針氈!除了聽佢地呻之外,默默中感受到當年父母養育自己嘅時候,原來真係唔簡單,明白「養兒方知父母恩」。

確實,系尼個環境或競爭下,逼得小朋友太緊唔係最好嘅選擇,無論名牌幼稚園定係普遍幼稚園都唔係重點,作為父母,應該有責任係囝囡每一個成長階段,可以陪同他們,給予他們更多愛和關懷,從小開始學習更好嘅個人品德、建立自信同良善,相信家人嘅教育唔會比哪一間幼稚園或學校差,好好陪伴囝囡,邊看著他們成長係一件開心嘅事。

一起來加入親子王國討論:K1面試全炒
一起來加入教育王國討論:純呻,小朋友冇一間名幼收

【編按:以上內容為作者之個人意見及立場】

相關文章

必須收藏!超詳盡PN及K1面試攻略

【筋肉寶寶養育記26M】幼稚園面試來到,調節自己心理最重要!

幼稚園老師自製逼真教具 將課室變成小食檔燒烤場

【親子好去處】Victoria Playpark假日活動 讓孩子在自然環境開心玩樂!

緊貼新冠肺炎最新相關資訊