2020-04-14

1.7K

【有得必有失】後悔決定生B做父母? 網民:「你都無問佢想唔想出世啦!」

成日都話為人父母乜乜乜,喺育兒路上真係有唔少苦中帶甜嘅血淚史,雖然有時候真係心很累,但又好似無得同仔女計咁多?如果時光可以倒流的話,你又會唔會再次選擇做父母呢?

最近就有JM問大家有冇人後悔生咗BB,估唔到都引嚟幾大迴響,而且仲有唔少JM坦言身邊位C6同自己都有暗暗後悔?!

「有細路真係要放棄太多!」

「我叫咗佢唔好喺啲小朋友面前講,但佢照口唔收,我都無晒辦法,所以小朋友都知道晒,仲話下世唔會㨂爸爸做返佢老豆!」

「廿多年前我唔想生,但C6話完整嘅家庭,應該要有小朋友,依家我多咗兩個朋友,我囡仲係閨蜜,一齊買衫、試新嘢食、整cake、講下拍拖經歷、講下C6是非!」

討論區熱話:有冇人後悔生咗BB

討論區熱話:有冇人後悔生咗BB

睇到呢度鯊魚太都有啲傷感,雖然話有咗小朋友之後,好多生活模式都要轉變,而且確係要放棄好多原有嘅習慣,但講到要後悔?會唔會又太過言重呢?莫非真係要塞返佢入去?仲有C6係要當住小朋友面前講好後悔!?到底知唔知道小朋友嘅陰影面積有幾大,你當初生佢有得揀,但佢係無得揀邊個做父母咖!養寵物都要停一停,諗一諗啦,更何況係生仔!

其實所有事情都有失必有得,自從有咗小朋友之後,先唔好講佢帶嚟幾多前所未有嘅快樂,單單係喺個人轉變方面,有咗小朋友其實都令人成長唔少,除咗變得更有同理心,識得顧及別人感受之外,而且有好多時候都更識欣賞豬隊友嘅付出,完完全全係生命影響生命!

至於仔女帶來嘅點滴,相信更加係世上無嘢可以替代,望住佢哋嘅成長同轉變,由未識講嘢到成日駁嘴,其實就只有做父母嘅先可以感受到嗰份又愛又恨嘅體驗!若然去到呢刻,你都依然覺得好後悔,或者應該好好檢討下自己,有無真真正正做過「父母」!

【編按:以上內容為作者之個人意見及立場】

相關文章

【最後節日】3歲子腦癌時日無多 父母提早舉辦聖誕Party渡過最美好的一天

懷胎7月被前夫逼墮胎 囝囝自責:是我存在害你沒了青春?

【強心臟挑戰】囡囡奶粉塗面兼玩「便便」 媽媽崩潰: 氣到差點中風!

【傭家有道】菲傭一星期不可做清潔工作因爸爸過身 網民:可以唔出糧?

緊貼新冠肺炎最新相關資訊