【田蕊妮女人四十有感】沒享受過年輕就老去 妳錯過了甚麼？
作者：Eunice S.
女人邊一刻開始變老？由發現自己再無力氣通頂、開始發現同後生仔女有代溝？但睇完田蕊妮個節目《女人四十》，驚覺令女人真正成熟，唔在於年齡，係在於心態。
無論20、30定40的女人，都怕老去。見到27歲YouTuber看上去好年輕，其實心態同體態都比41歲嘅阿田更老，反而希望趁40歲突破自己嘅阿田，為自己作出好多新嘗試同挑戰，包括注意健康同做運動，心態上一啲都唔老。
不過最令我感觸係阿田提到自己細個扮大個，大個時就驚覺時間太快。41歲的阿田有這個體會：「每一個年齡層都會經歷不同的事，我十多歲的時候很想別人覺得我長大了，到我二十多歲的時候，我很喜歡裝作很成熟，面面俱圓；到我三十多歲的時候，我好像對著四十歲的期限去衝。」
其實年輕時想對自己嘅人生有控制權，總係會扮成熟黎證明自己；到做咗大人有自己家庭，就會覺得時間走得太快，自己亦走得太快，無享受過年輕就老去。但最令阿田感觸係自己咁多年黎，忽略嘅嘢太多，包括最愛嘅媽媽：「但到了四十歲的時候卻只顧衝和跑，完全忘記自己所有事情，例如家人朋友，原來我有很多事情都錯過了。我很記得有天，就是我衝刺的時候，我回到家，我突然覺得我媽老了，之後不久我媽就有病，我很珍惜跟我媽媽最後那一段光陰。」之後嘅佢會多咗將時間放在自己身上，唔會再一味衝。
諗返自己，仲未到呢個年紀，為咗要對得住未來自己嘅「女人四十」，呢一刻要做呢個年齡值得做嘅事情，享受工作有得衝嘅時間就要衝、唔好忽略屋企人，同時亦唔好忘記，放低剛強嘅面具，無論20、30、40，女人，都要愛自己。
