2021-01-09

1.3K

【JM有話兒】父母一定偏心?港媽:人有感情做唔到公平

正所謂十隻手指有長短,雖然子女都是父母的寶貝,但對於擁有二寶或以上的父母來說,難免會偏心,有人會偏愛懂事的孩子,有人偏愛年齡較少的孩子,即使父母想盡量做到公平都不容易。有港媽在《親子王國》討論區發文,問擁有兩寶或以上的父母會不會偏心其中一個子女,而小朋友又會否感受到這種差別待遇?引起熱烈回應。

更多文章:【#JM有話兒】孩子「天生」不聽話? 港媽懊惱︰曳的教極不聽

大部分港媽直認會偏心,至於原因各有不同,有人偏心外貌較出眾的子女、有人偏心年齡較少的子女、有人偏心第一胎、有人偏心較懂事的子女,但大家都表示盡量不會把這種偏愛表露出來,「至少表面做到公平,佢哋係一樣待遇,但講真,人嘅性格唔同,如果仔女把口甜啲、乖啲、聰明啲、做嘢讀書又自動波啲嘅,個心點都鍾意呢啲多啲」、「我偏阿女多啲,阿女性格似我又聽話啲又痴我」、「我錫個女,我原本鍾意女而且佢好乖好聽話」。

不過,即使港媽們會承認會偏心,但在日常照顧方面和物資生活卻會盡量做到公平,「我付出嘅心機、時間同金錢都唔會特別偏心」、「買嘢同食嘢方面,我就好公平」。

更多文章:【多仔家庭】10年間生11個 多仔媽愛陀B:生多幾個都得

此外,亦有港媽表示知道人是有感情的,明知自己會偏心,所以決定只生一胎,「好肯定自己最錫大仔,所以生一個」、「養兩隻貓都會特別錫其中一隻,所以生一個就算」,亦有人因為童年經歷而不想成為偏心的父母,「我阿媽已經係偏心,最唔錫我,可能我唔係好乖讀書又唔叻又唔識賣口乖,我好細個3-4歲已經知同埋成個童年都因為咁唔開心,所以我由細到大都好憎我老母,好早已搬走唔同佢住」。


相關文章

【JM有話兒】老師偏心部分同學?孩子被忽略點算好?

【JM有話兒】男醫護助12歲女照X光 港媽被趕感不滿

【教育方程式】從小培養孩子的幽默感 父母可以做三件事

6歲女兒頭髮纏滿150個黏貼玩具球 父母崩潰花20小時清理

緊貼新冠肺炎最新相關資訊