2019-08-03

1.8K

就算失望,不能絕望(二)

上星期本來想帶你去沙灘玩,
喺屋企執嘢換衫嘅時候,
天氣幾好架。

到臨出發嗰吓望出窗,
見到好多條白色線,
仲又行雷又剩。。

見到咁嘅情況你當然勁失望,
因為其實我地講咗去沙灘玩好耐。

喺房入面嘅你有啲脾氣,
我同媽媽於是選擇畀啲空間你冷靜一下,
然後我地行咗出廳。

等咗一陣你冇哂聲,
媽媽入嚟睇吓你點,
發現你托住個頭仔望住個天,
原來你同天父祈緊禱。

望住你行返出嚟嗰個失落樣,
我話:
「我地繼續去啦!想做就要堅持!」
「去到沙灘如果仲落雨我地就等一陣!」
「如果真係唔停雨先返屋企!」

唔知點解,
我講緊嘅時候自己心入面覺得好震撼,
其實都只係一啲已經講到爛嘅道理。
或許,
呢個幾月嚟,
實在發生咗太多令人想放棄嘅事。


到我地出門口嘅時候你好興奮,
然後我怕你去到沙灘萬一發現都係冇得玩,
會失望到唔知點算,
於是我又再帶一帶頭盔:
「拿唔一定去到架,
萬一唔停雨就要返屋企架喇ok?」

我心入面其實都打定輸數,
咪當遊個車河囉。

喺車上面你瞓著咗,
而我同媽媽就親眼睇住個天,
由大雨到細雨到唔再落雨。

叫醒你,
你見到冇雨嗰吓開心到一個點。
「我頭先同天父祈咗禱吖嘛!!」
冇錯係呀仔。

跟住我地仲喺沙灘曬足兩個幾鐘tim。


感謝天父,
不斷用你去提醒我,
要有信心,
要有盼望,
要堅持!

呢個提醒真係非常非常非常重要。

【編按:以上內容為作者之個人意見及立場】

相關文章

【港識教育】8大育兒常見情景 爸媽勿亂說話影響孩子身心發展!

小朋友做功課寫字太醜應擦掉重寫?專家提醒家長2個方法應對!

日本哺乳室張貼一文章《媽媽的每一天》完美剖白為人母親心聲 網友淚崩:超寫實!

【親子遊樂】一齊玩轉大館!香港賽馬會與大館攜手呈獻「ENCORE! 一同喝采」七周年活動

緊貼新冠肺炎最新相關資訊