2020-01-14

1.2K

後生阿媽一定係腦筍未生埋?網民:太多人以貌取人!

依家00後出世嘅少女已經19、20歲,唔少人開始告別校園踏入社會,認真為自己未來事業開始打拼,開始慢慢找到自己方向或者目標;但同時,原來有00後已經開始選擇做咗媽媽,邊學邊湊仔,立即Click 入來討論:我系00後媽媽對於呢個話題,唔少人第一反應會:「咁早生小朋友會唔會辛苦?」

討論區入面,見到呢個關於00後媽媽嘅話題,引起唔少JM回應:「年齡都唔係大問題,只要思想成熟度夠」、「見過唔少年過30做人阿媽既,都仲矇下矇下咁...真係好大穫」、「做左呀媽就算稚嫩都會慢慢變得成熟。」等等,但同時,亦有唔少人回應:「人人只看到好的一面。現實係好多困難面對。」、「早生仔係好,但要配合經濟能力。」......究竟年輕阿媽係米腦筍未生埋?幾時先係現今女性適婚年齡呢?回歸現實,對於後生媽媽確實有以下考慮嘅問題:

立即Click 入來討論:我系00後媽媽

一,法定結婚年齡

根據香港統計處嘅數字顯示,男性和女性首次結婚時的年齡中位數,以2016年睇,男性係31.4歲,女性係29.4歲,而係香港法定結婚年齡是21歲,如果雙方父母同意下,子女亦可以係16歲結婚。係討論區,唔少JM都有分享自己或身邊人其實係21、22歲結婚,既然過了法定年齡,亦是合情合法。

二,事業發展

唔少女生會選擇在24歲大學畢業後先投入社會工作,為事業基礎,但JM亦有提出對於有小朋友後,支出同負擔相對增加,而對於19、20歲仍「未養得掂自己」,又要照顧小朋友而言,確實會令人考慮到:「20歲的人生,應該去讀書充實自己,去睇吓呢個世界,去感受生活。唔應該訓醒打開眼,就柴米油鹽、換片餵奶。」無論係時間分配或能力上,確實係有一定程度嘅壓力,當考慮到個人未來事業發展或是工作選,需要有新嘅計劃或方向。

三,金錢問題

「大部份00後都未做到經濟獨立幸好父母還未算老,應該還可以工作。」

討論區中嘅樓主「18歲有左 19歲生 未到二十。依家都算系經濟獨立 佢父母提供住宿 唔使我地出去租屋住已經幫左一個好大嘅忙」,對於現今居住環境或是生活水準,十多年前李麗珊講養大一個小朋友要400萬,如果依家應該唔止呢個數,但隨著以後要考慮買樓、日常開支或教育費用等因素,經濟基礎唔穩定,確實會令年輕父母而言,養小朋友較為吃力。

立即Click 入來討論:我系00後媽媽

總括而言,如果喺適婚年齡結婚、生小朋友,年輕嘅考慮係會有,只要基本考慮以上3大問題,而且清楚知道自己可以付出多少、承擔多少責任,唔需要以貌取人,即使有咗小朋友,都可以展開人生另一階段,慢慢學習。

【編按:以上內容為作者之個人意見及立場】

相關文章

為你打氣每一天!31句JM激勵座右銘

全職媽媽重返職場感無奈?!原因竟然是衣著......

緊貼武漢肺炎最新相關資訊