2018-12-23

2.6K

當一個女人問你:我望落似幾多歲?

你有無試過畀人問 「我望落似幾多歲?」 唔好睇少呢條問題,答得唔好好大件事,直頭係腦筋急轉彎!

今日喺forum睇到有位JM分享咗一件生活小趣事,令Juicy媽淨係睇到條題已經非常有共鳴,不過唔係因為成日畀人問,反而係調返轉,我自己成日咁問人。戴返個頭盔,咁我梗係唔係無原因周街搵人問啦,只係前設人哋覺得我樣似好細嘅時候先會咁講。


經過大家熱烈討論,Juicy媽發現原來呢條問題都幾考腦筋,咁到底有時畀人問起,又應該點答而不失霸氣呢?有JM就教路話:「我會話我同你一樣年年25!」,個人認為呢個答案真係充滿著做人嘅藝術,至於其實問嘅人係咩心理?好似各位JM話齋:「其實自己望落似幾多歲,自己都心中有數啦~」、「善意既大話,你又唔會有損失」,我諗對方都係無聊搵嘢講下架啫,點樣答同講細幾多就真係多多益善,少少無拘啦!

又不過提到個樣生得細,原來都唔係人人鍾意,除咗喺工作上,會比人覺得唔夠穩重嘅例子之外,有時入馬會或者賭場下下被人查身份證,其實有時候都唔係咩開心事,甚至覺得尷尬又麻煩,有啲JM帶住小朋友出街,仲會無啦啦承受歧視眼光,被以為係未婚媽媽......

所以話睇落年紀細,都唔一定係好事!

即刻入嚟討論區一齊傾

【編按:以上內容為作者之個人意見及立場】

相關文章

緊貼新冠肺炎最新相關資訊