大約喺BB 11-14週內進行嘅早期唐氏綜合症篩查，QE係可以提供服務 (香港居民仲係費用全免)。
不過，第一次產檢時。
助產士都會問，你想喺返QE做，定係自己會出去私家到做呢個檢查。
而我就揀返喺QE到做檢查，嚟到BB 12週嘅時候，我再返QE做早期唐氏篩查嘅檢查。
首先去QE嘅E座一樓繳費處登記，之後再去返B座3樓產科。
去推門行去護士站登記，首先要填一份簡單問卷，內容大概都係問返最近有冇唔舒服(例如: 發燒、肚瀉等)，有冇外遊等等。
然後，姑娘會再俾一份關於唐氏篩查測試嘅同意書俾你，睇晒如果無問題，簽返名坐一陣就可以入房照超聲波。
照完超聲波，再要去抽血房等抽血驗。
抽埋血，就完成走得o架啦!
