專業醫生與你分享：懷孕葉酸懶人包

懷孕期護理同調養身體好重要，媽媽身體好，BB先會健康營養好。

葉酸對BB神經系統發展好重要，可減低出現脊骨裂嘅機會；有外國研究發現，孕媽媽服食充足葉酸，可減低孩子患自閉症嘅風險添。

日常飲食可以攝取到既葉酸，主要來源係植物，當中包括水果，例如：木瓜、橙，以及綠色蔬菜，例如：菠菜、菜心、西蘭花，同豆類，例如：蜜糖豆。另外，某啲早餐穀物都有添加葉酸，尤其是來自美國嘅產品，因為美國對所有穀物都實施咗強制性添加葉酸。

但係，單靠天然食物攝取葉酸未必足夠，因為葉酸係會溶喺水，煮完啲菜都流失咗部份葉酸，所以，我哋懷孕時應該服食補充劑呀！

至於葉酸補充品，其實要喺懷孕前3個月就食定先，為身體打好個底。每日400至800微克就已經足夠。如果有癲癎症、糖尿病、曾產下有神經管缺陷嬰兒嘅孕婦，就要服食高劑量5000微克既葉酸。

坊間有啲孕婦綜合維他命已經有葉酸，但係要留意份量可能不足或過多，加上每個媽媽嘅體質同需要都唔同，食補充品之前最好問咗醫生意見先。