Level 1 Bodyweight With TRX
身為一個前健美小姐，有左當然都係會繼續做運動㗎啦！不過呢個新生命實在得來不易，唔怕一萬只怕萬一，所以頭三個月我真係唔敢郁，完全零運動，淨係係屋企拉下筋！
好不容易終於夠三個月，亦都得到醫生嘅批准，我就試下用自身嘅重量做返少少肌肉訓練，而我初初就鍾意配合埋TRX（懸吊式訓練）一來可以扶住，感覺較安全，二來可以叫醒肌肉嘅協調力，令訓練更加得心應手?
Level 2 Weight Train With Machine
幾星期之後，我就開始挑戰返我最愛嘅阻力訓練！因為我懷孕前已經有好幾年一星期3-4日做阻力訓練嘅習慣，而呢樣亦都係我嘅專業技能之一，係咁多種運動之中，我最有信心的！所以做起上嚟最舒適同享受，簡直令我所有孕期既不適都突然消失！ 不過我都有細心選擇，用返最安全嘅器械去做訓練，如果你有細心睇片，會發現我做嘅重量係十分之輕而且盡量都係坐係到做，四平八穩，令個肚同埋胎兒唔好受到太大嘅刺激。
當然阻力訓練，絕對唔係大眾可以接受嘅孕婦運動，亦唔係適合所有孕婦，醫生甚至可能會建議要暫停！不過我覺得如果你係懷孕前已經有接觸開，而你又想做，亦都有信心可以做到，做返啲簡單嘅阻力訓練亦未嘗不可！最好就梗係有埋合資格教練陪同進行就最好啦！
記得準媽媽做任何運動都要要適可而止，量力而為呀!
