2019-04-16

7.9K

生第一胎同第二胎既分別

細佬出世喇~我亦都封肚收工喇!

今次生細佬既過程完全同生John仔時大不同。係我人生入面係好難忘既經驗。

希望黎緊幾個post可以分享下以下心得:

生第一胎同第二胎既分別

佗第一胎同第二胎分別

坐月坐得開心好緊要,雖然忙碌但比第一胎坐月時開心。今次生細佬係醫院既依三日令我覺得有渡假既感覺。聽完我咁講既人都笑左。點解呀???

因為有左經驗囉。生既時候知道幾要留氣唔好叫,痛既時候識用力推出黎。

生完比BB食奶無被啜損乳頭,真係痛到唔想餵。但餵John仔2年4個月經驗,所以對我後講無難度。

生完後醫院三日識得照顧BB幾時餵奶

換片,仲可以瞓到一陣覺。就算抱天光都頂到。因為有做左媽咪後經過幾年長期訓練唔瞓覺,所以頂得順。仲有時間幫對面啲新手媽媽。生第一胎同第二胎既分別

生John前我係見紅陣痛,係屋企痛到頂唔順去醫院,原來已經開到三度,即比人推去產房,再係產房等生時好大聲[Pop]一聲就穿左水,之後就痛到顛左大叫就生左,對終我生第一胎時自己好似痴左線咁完全控制唔到自己好得人驚。

但生細佬就完全唔同。我係瞓瞓下覺得下面好濕好似有水流出黎。我就知道穿左水即拍醒老公抱埋John仔飛的去醫院。

但我穿水成6個鐘都無陣痛。所以決定落催生藥。落左催生4個鐘就生左細佬。比起John仔時陣痛時間縮短三倍時間。

第一胎時咩都唔識,帶好多野入院仲比護士笑我帶咁多野好似去旅行咁。

今次生細佬就唔同喇。走佬袋唔使帶太多野。帶夠自己用既產巾同床墊、日常用品就可以,BB野最緊要帶夠初生尿片。BB衫同大人衫係出醫前先叫屋企人帶黎換就得。

係我穿水入院成個過程。我仲拍片記錄底自己咁一生難忘既過程。第時希望比番兩位小朋友睇。

John仔到而家都成日掛住我個大肚肚,成日摸我個肚話細佬呢?好似好唔捨得個肚咁。

【編按:以上內容為作者之個人意見及立場】

相關文章

早孕期流產治療新選擇!超聲波引導式手動真空抽吸術 減低對母體傷害

【懷孕必睇】孕吐舒緩有法!15招助準媽媽輕鬆度過懷孕初期孕吐不適感

【未婚懷孕】19歲女未婚產子怕被父母責備 聯同閨蜜踩死初生嬰兒

高齡產婦未發現懷孕8個月 錯過重要產檢最終母女平安?

緊貼新冠肺炎最新相關資訊