2020-04-02

3.7K

第三胎懷孕經歷分享(三)胎位底、子宮肉粒、胎水過多、追磅、B鏈

上一篇,講到關於懷孕中期嘅種種問題,最後由另一位醫生覆檢後,確定所有報告正常。胎兒健康正常,胎水亦在合理範圍內,唔需要驗血糖。雖然放下一個心頭大石,但就開始為BB的大小而擔憂。

相關文章:第三胎懷孕經歷分享(一)胎位底、子宮肉粒、胎水過多、追磅、B鏈
相關文章:第三胎懷孕經歷分享(二)胎位底、子宮肉粒、胎水過多、追磅、B鏈

接下來,我要落力補充營養,希望可以追磅。隨住胎兒成長,亦開始頂胃,唯有少食多餐,高蛋白質,每日兩份奶類,不可少。醫生亦話不妨食多少少甜,根本無需減食。

38週,是生產前最後一次超聲波產檢。BB 仍然是細細粒,但醫生安慰我「生完努力d餵佢,做多d運動,會長高長肥的,唔好擔心」。估計出世至少應該有2.5kg,起碼唔洗瞓暖箱吧。

另外,做了B鏈測試,收到健康院電話,是不幸地中了,亦令我非常憂心。雖然呢隻菌好常見,身邊認識一半孕媽媽都中,佢哋話一入到產房,打兩枝抗生素就冇事。但問過朋友,話打完最好有兩小時先生,確保藥力生效。但我怕第三胎生得好快,趕唔切。所以,醫生開了口服抗生素比我食住先,雙管齊下。

除此之外,今胎子宮收縮比上兩胎更密,而且更早開始。早在 5個月時,每日已經有約 10次輕微收縮。當時醫生都叫我小心早產,唔好走動太多。7個月之後,收縮時仲帶有微痛,令我非常緊張呢。而且BB太細,我希望陀耐少少,養肥少少先出世。

經歷上兩胎的順利,相比之下,今胎更覺一點點艱難。懷孕媽咪,無論生第一胎,第三胎,所經歷嘅種種,都好偉大!願各位準媽咪,生產順利。共勉之。

【編按:以上內容為作者之個人意見及立場】

相關文章

【營養師話你知】想提升懷孕機率?營養師分享備孕飲食攻略!

孕婦無懼皮膚劇變 公開相片勉勵同路人︰希望公眾理解媽媽辛酸

【懷孕飲食】孕婦因進食隔夜西瓜感染李斯特菌導致流產 必看7大預防方法!

日本哺乳室張貼一文章《媽媽的每一天》完美剖白為人母親心聲 網友淚崩:超寫實!

緊貼新冠肺炎最新相關資訊