2020-03-26

6.2K

第三胎懷孕經歷分享(二)胎位底、子宮肉粒、胎水過多、追磅、B鏈

上一篇,講到懷孕初期胎位底嘅問題。

接著,到中期了,隨著胎兒成長,胎位亦逐漸升上去了。不過,右邊子宮經常會痛,有幾次痛到行唔到,感覺被搣被扭嘅疼痛感。於是,特別照一照疼痛位置,發現子宮壁有一粒厚肉,胎兒漸大,肉粒受壓而痛,但懷孕階段,唔會做任何手術,只能繼續觀察。

相關文章:第三胎懷孕經歷分享(一)胎位底、子宮肉粒、胎水過多、追磅、B鏈

同時,醫生話我胎水嚴重過多,如果持續,順產時會溜出黎,好危險。又話胎兒比正常大兩週,要我驗血糖,仲建議我減食,食「低醣餐單」,每日得千幾卡路里 (我心諗,一向都食得唔多,仲減?)。明明一星期前,結構超聲波顯示我胎水正常,胎兒大細非常好,點解相隔一星期,就突然變大?老公提議換另一位醫生再檢查。

未搵到另一位醫生覆檢前,我每日都好緊張,好害怕,肚餓都唔敢食,又睇中醫,開藥去水安胎,精神壓力大到不得了。一個月後,終於約到另一位醫生檢查,醫生話「個胎一d都唔大,反而過細喎,細咗兩週」。唉,是作弄我嗎?究竟係之前那位醫生驗錯,還是減食過度?

因為胎兒比較細,醫生要我上產房,做胎兒超聲波,檢查一下胎盤功能是否正常。在床上的一小時,好漫長,肚上貼著兩個儀器,監測胎心跳、子宮收縮、胎動等,手上拿著一個按鈕,感到胎動就按一下。無無聊聊看著胎兒心跳上上落落。最後,報告結果正常。

【編按:以上內容為作者之個人意見及立場】

相關文章

【營養師話你知】懷孕期間可以飲無酒精啤酒?

【真人實證】產後現「假肚腩」點修身?紮肚10日腰圍減6cm!配合產後瑜伽更加事半功倍

【營養師話你知】懷孕媽媽吃太多水果有沒有好處?

懷孕6個月外遊途中突然陣痛早產 台大婦產科醫生勸喻:懷孕別出國旅遊!

緊貼新冠肺炎最新相關資訊