3.1K

不用卸妝的水潤輕感粉底液(▰˘◡˘▰)

「煮飯唔難,洗碗先攞命!」相信有唔少人都有呢個想法;其實有時候化妝嘅心態都係一樣,可以扮靚靚咁返工、去街,心情都好啲啦,但成日流流長,面部難免有出油情況,令妝容變得黏膩;勞碌咗成日,返到屋企真係二話不說,想沖個涼、洗個面,就飛去瞓覺,但偏偏仲要卸妝,卸得唔乾淨更加係後患無窮(╥﹏╥)

最近日本天然礦物彩妝品牌ETVOS首度推出水潤輕感粉底液,呢個品牌喺香港雖然唔算係非常火熱,但就成為日本女生嘅搶手私藏彩妝系列,而且聽到佢「唔洗卸妝」呢個賣點,真係要試試佢。

粉底液分別推出 Light Beige亮白同Natural Beige自然兩款色調,作為粉底液新手嘅我就揀咗Natural Beige自然色調!

完成護膚程序後,取適量喺肌膚上均勻塗抹推開。

若然覺得遮瑕度唔夠,可以逐少增加至足夠狀態。

粉底液質感透薄,搽嘅時候都無出現「擦膠碎」,當中SPF15 PA++可以阻隔電腦或者手機藍光帶來嘅傷害;另一方面,由於成份萃取自嚴選礦物及植物油,品牌推崇唔需要卸妝,用一般清潔用品卸除即可。

礦物成份可以話係對肌膚零負擔,而且使用後,妝感唔會太重,最啱就係喺春夏呢啲日子使用,雖然遮瑕度唔算好高,但薄薄一層已經可以改善到膚色,令膚色感覺更加均勻,絕對係裸妝好拍擋!

【編按:以上內容為作者之個人意見及立場】

相關文章

【秋系換裝】啞緻的NARS柔霧完美粉底液!打造天鵝絨霧面妝感

【彩妝2020】ETVOS AW20 打造不需卸妝的天然復古煙燻妝容

【美妝2020】全新夏日系列 小編熱推10大人氣護膚化妝品牌

【夏日彩妝】ETVOS SS20彩妝系列「喚醒」女性內心隱藏的強勢面!

緊貼新冠肺炎最新相關資訊