服飾穿搭

7.9K

【孕裝2020】日系媽媽推介!UNIQLO GU入手 讓人眼前一亮的孕婦裝

懷胎十月,有唔少向來緊貼潮流嘅媽媽都會擔心唔知孕期應該著咩好,苦惱點樣搭配先可以保持原有形象,但又喺身型不斷轉變嘅情況下,都一樣舒適自在!莫非懷孕就要放棄形象?其實潮流從來都無離棄過孕媽媽,好似呢位日系媽媽Saki就以大路嘅UNIQLO、GU時裝襯出多變嘅孕婦裝,依家就嚟睇下當中有咩秘訣啦!

更多文章:【懷孕蜜語】懷孕穿什麼好?伴隨我整個懷孕期的就是連身裙

貼身連身裙

有人會覺得孕媽媽身體走晒樣,最好都係買啲又咁大件得咁大件嘅鬆身服飾去掩蓋身型,好似平日略略肥咗少少都唔太敢著嘅貼身連身裙,更加係諗都唔好諗?其實呢個諗法並唔係必然!

孕媽媽嘅身型雖然會因為孕期改變,但係正正就因為咁身型展現出懷孕時嘅美態,所以若然向來都唔敢著貼身連身裙嘅你,不妨嘅孕期突破一下自己,話唔定會有不一樣嘅驚喜!


更多文章:*☆ 懷孕更要靚 (*´∀`)~♥ 初春可循環搭配首選 *✲゚*

鬆身連身裙

鬆身連身裙可以話係孕期至愛,由懷孕初期著到產後都一樣無問題,不過連身裙喺搭配方面或者略有局限,要依然襯出個人風格的話,就可能要從配件貼連身裙花款著手,好似格仔、碎花都係個唔錯嘅選擇!另外,比較搶眼嘅顏色選項都可以輕易帶出搭配特色!

更多文章:「一式一樣」親子裝不再老土!星級推薦5間超高質網店

牛仔褲搭配

牛仔褲絕對係任何階段都必備嘅搭配選項,其實巿面有唔少專為孕媽媽設計嘅牛仔褲,貼心地喺腰間位置縫製可調節嘅橡筋,同時喺腹部位置配合彈性較高嘅布料,咁各位孕媽媽就唔使擔心「無褲著」啦!

更多文章:日系媽媽為你揀!嚴選必入GU及UNIQLO搭配時裝

半截裙

除咗牛仔褲之外,腰間位置彈性較高嘅半截裙都係搭配好幫手,當中以裙頭以橡筋設計又或者棉質布料嘅選項,就更適合孕媽媽,除咗舒適之外,產後仲可以繼續著,咁就唔怕孕前產後要買過晒啲衫啦!

更多文章:【夏日親子】純色搭配、沙灘元素 必學5款至潮親子穿搭

喺Saki嘅搭配字典入面,仲會不時加插唔同嘅頭髮造型,各位孕媽媽喺搭配過程中,除咗可以戴帽之外,都不妨參考一下Saki嘅頭髮設計,只要花多少少心思,隨時可以為整體感覺帶嚟新驚喜!

圖片來源:____sappi____@instagram

【編按:以上內容為作者之個人意見及立場】

相關文章

【秋冬搭配】日系媽媽教路!盡覽小豆色大熱秋冬親子裝穿搭

緊貼新冠肺炎最新相關資訊