服飾穿搭

3.3K

【幼稚園入學】幼稚園入學面試衣著小貼士(小朋友篇)

家長們準備為小朋友報讀幼稚園前,除咗有好多面試嘅事宜要準備,衣著亦係其中重要嘅一個環節,唔單止衣著需要整齊,唔少家長都會考慮服飾搭配,唔可以太浮誇又唔可以太隨意,究竟為寶貝搭配點樣嘅服裝呢?今次整理了幼稚園 面試 衣著小貼士,以及男仔和女仔係衣服搭配上嘅建議,一齊黎睇啦。

 

更多文章:【幼稚園入學】K1面試班有用嗎?

簡約風格

如家長不知如何配搭,斯文嘅打扮不會有閃失。唔同嘅小朋友,係成長過程中都會慢慢表現出自我個性,如小朋友係屬於安靜型,簡約嘅書生、斯文風格搭配係唔錯嘅選擇。

男生可以配搭針織、格紋或白色外套,如係有冷氣嘅環境內面試,既保暖又得體,內搭可以以淨色、純色為主調,純色嘅恤衫或短袖衣服,亦可選擇條紋、格仔嘅恤衫,搭配休閒白色波鞋或舒適乾淨嘅休閒鞋即可,令小朋友顯得乾淨又不失清新。

 

更多文章:【幼稚園入學】0-2歲必備的10款益智幼兒玩具

女生可以以一件頭嘅連衣連身裙為主,內搭有領嘅長袖或者針織純色外套,可愛得來又斯文。鞋子方面,可選短靴或休閒鞋,建議不要涼鞋或品牌拖鞋,會感覺太過輕鬆,對於面試,盡量可以得體又能突顯小朋友斯文嘅一面。

個性風格

無論大人或小朋友面試,難免會緊張、擔心,特別係小朋友,面對陌生人已經有一定程度嘅戒心,所以,如果可以係服飾上令小朋友放鬆,又能突出自己子女嘅個性、特色嘅搭配就最好不過,有個性之餘,亦不失禮。

更多文章:【幼稚園入學】K1面試必備!TOP 10教育玩具

男生可以挑選有質感嘅上衣,如筆直嘅燈芯絨面或有領筆直恤衫,搭配深色恤褲或直筒褲或小西褲,最後配上小皮鞋或者舒服嘅白鞋、波鞋,整整齊齊嘅感覺會令人感到舒服,盡可能讓小朋友活潑、開心嘅性格展現。

而女生方面,可以挑選有花邊嘅上衣,搭配半截裙,挑選鞋子方面盡量避免太閃亮嘅鞋,有些小朋友會因為穿上心儀或閃爍鞋子而容易分心,建議配上一對舒服的蝴蝶結平底鞋,斯文又大方。

更多文章:【幼稚園入學】2020至21 學年 幼稚園入學申請流程懶人包

小貼士:

衣物有漬

不少污漬如汗漬、甜點、雪糕等會留係衣物表面難以清洗,如面試前,盡量避免挑選此類衣物。畢竟與其他小朋友相比,衣服嘅搭配大部分是由父母來挑選,盡可能係衣物挑選上,父母可以做好把關,令印象分不會大減。

皺巴巴

挑選好面試嘅服裝後,建議可以提前一兩日做好最後嘅整理工作,如燙衫,因為小朋友唔會只面試一間幼稚園,衣服會重複穿著,所以係洗滌後最好妥善整理,可以重覆穿著。

切忌誇張隆重

衣著切忌太誇張或隆重,例如像去參加宴會,或古怪嘅裝束,不但會令小朋友係面試中感到衣服不自在,從而令人顯得不舒服、不自然,無意中或會影響小朋友嘅面試表現。

【編按:以上內容為作者之個人意見及立場】

相關文章

【幼稚園入學】幼稚園入學面試衣著小貼士(家長篇)