服飾穿搭

1.8K

【搭配2019】冬日潮童指標!作為媽媽5個必睇嘅Kids KOL

呢幾日氣溫驟降,作為媽媽嘅你,除咗擔心小朋友唔夠暖之外,仲有無一刻擔心過佢唔夠衫搭配?如果你都係服裝系媽媽,正準備喺呢個冬天為小朋友添置更多特色服裝,但又苦無頭緒,不妨嚟參考下呢5位童裝界火熱嘅潮童搭配,話唔定可以啟發你嘅小宇宙!

更多文章:【秋冬搭配】日系媽媽教路!盡覽小豆色大熱秋冬親子裝
更多文章:【秋冬2019】顯白有氣質!8種大熱秋冬髮色推薦

COCO 

來自日本嘅Coco,對於服裝系嘅媽媽們應該都絕對唔陌生;由細細個已經踏上潮流舞台嘅Coco,轉眼間已經9歲啦!從成名嘅原宿搭配,以至可愛同型格造型,佢都一樣拿捏到位,加上累積咗咁多年經驗,令舉手投足都來得更自然,更顯潮流感!

圖片來源:coco_pinkprincess@instagram

更多文章:【秋冬2019】美系潮媽時尚 值得投資的百變手袋搭配

Micah

年紀輕輕嘅Micah坐擁近5萬粉絲,係相當有名氣嘅童模,單單睇佢擺嘅甫士就知佢霸氣十足!而主要以美式街頭風格示人嘅佢,仲周不時大晒靚波鞋,應該令唔少潮爸心心眼!仲唔係時候搵個借口同囝囝囡囡襯返個親子裝,入手返三五七對心頭好波鞋!

圖片來源:mic0nic@instagram

更多文章:【秋冬穿搭】多款時尚大地色系穿搭法!嚴選今季至潮搭配

KING AND MIA BALLAN

兄妹檔出動嘅King同Mia,同樣經常以美式街頭風登場,不過換成兄妹配就有另一番感覺,至於講到點先可以成日都襯到絕咁上陣?相信就要向King同Mia嘅媽媽請教下喇!原來Ballan兄妹嘅媽媽來頭都唔少,喺 instagram擁有10萬粉絲嘅Sherry(@hausofsherry)仲係一位Youtuber ,同樣係搭配高手嘅佢,仲周不時襯出一家4口型爆造型,如果有興趣不妨睇睇!

 

圖片來源:kingxmia@instagram

更多文章:【秋冬髮型】短髮女星逐個睇!教你打造5款減齡造型

Sebastian

同樣係波鞋迷嘅Sebastian來自英國,雖然都係經常穿上衛衣登場,不過感覺就有啲唔同,Sebastian嘅穿搭技巧以多層次為主,再加上將褲管紮入襪嘅小技巧,令整個搭配更顯獨特性!如果想幫小朋友嘗試呢類搭配風格,各位潮爸媽亦不妨多加著墨喺層次之上。

圖片來源:seb.mack@instagram

更多文章:日系媽媽為你揀!嚴選必入GU及UNIQLO搭配時裝

Masons

只有2歲嘅小潮童MA$E一身裝束可以話係「貴氣」十足,喺佢身上可以話係件件名牌,而且有好多仲係有錢都未必買得到嘅爭崩頭系列!真係令唔少潮著迷又羨慕又妒忌!雖然係咁,但喺MA$E身上就無話過重嘅炫富感,所以話生得可愛都係其中一項搭配重點!

圖片來源:masons.world_@instagram

更多文章:【髮型2019】5款減齡法寶 星級派對造型逐個睇!

同場加插 - 日系Yui

呢位日系Yui雖然唔係話好出名嘅潮童界KOL,不過小編就獨愛佢嘅一對圓圓大眼同一雙大耳朵,而且Yui嘅打扮仲係小編至愛嘅大地色系,所以要偷偷地私心推介一下;若然你都係大地色系嘅粉絲,就一定唔可以錯過Yui嘅搭配組合啦,真係睇到都令人好想即時生返個女呀!

 

圖片來源:yuimama11@instagram

【編按:以上內容為作者之個人意見及立場】

相關文章

【親子裝搭配】星媽單文柔的童心 國際級歌手倖田來未都用佢!

【護膚診症室】濕疹要戒口?重點出擊K.O.致敏原

【親子裝穿搭】炙熱品牌新春服飾巡禮 展現個人風格親子裝

【親子裝穿搭】新春服飾派送 襯出不一樣的親子裝

緊貼新冠肺炎最新相關資訊