服飾穿搭

3.7K

【日系孕裝】 夏日孕婦裝推介!A–Line著法完美修飾身形

十月懷胎,感受到胎兒喺自己肚入面慢慢成長,係一種不能形容嘅幸福感覺。另一方面,睇住自己身材逐漸變形,一個碼再換另一個碼⋯⋯係另一種「講不出聲」嘅苦惱。

貪靚嘅媽媽們,又點會因為懷孕而放棄形象?日本媽媽們最近大推A-Line 剪裁遮掩法,一齊睇下點樣做可以完美修飾身形啦!

A-Line 剪裁衣物

1. A-Line 上身衫
無論係上衣、半截裙、連身裙,只要係上窄下闊嘅剪裁就可以做到修飾效果。夏日炎炎,加上懷孕會令到體溫增加,唔少人想短褲短袖出門口,揀一件A-Line 剪裁嘅上身淨色衫,長度剛好到臀部位置,可以遮蓋住肚仔同屁股,下擺亦可以挑選有皺褶嘅款式,提高遮掩既效果,亦為造型添加玩味。下身可以配搭短仔裙或牛仔褲,清爽之餘又輕便;又或者下身襯仔鬆身麻質褲,涼爽又顯瘦。

更多文章:雲染風+立體小水滴+氣質小花!小編精選5款夏日美甲大熱款式!

2. A-Line 連身裙
懷孕期間想輕鬆出門,唔想花太多時間配搭衣物,咁一條連身裙絕對係好幫手!連身裙可以選擇蛋糕裙、鬆身些少嘅百褶裙等。呢款版型可以完美遮掩腰線、臀部、大腿、小腿線條,如果揀埋有袖嘅仲可以修手臂!

款式方面,除咗淨色布料,可以挑選碎花布,有夏日感覺之餘,碎花布一向畀人可愛跳脫嘅感覺,可以營造減齡嘅效果!單著一條裙方方便便就出得門口喇!正值夏天,大家可以選購一啲比較涼爽嘅物料,例如絲質、亞麻布、天絲布,就唔會有悶熱嘅感覺喇!

修身闊褲系列

有部分懷孕媽媽上身仲係窈窕,但係下身就增左碼,想修飾下半身身形。除咗裙,其實闊身褲都係潮流媽媽必備嘅Item!挑選一啲唔貼身,有自然垂墜感重嘅布料,可以達到更好嘅塑造效果。臀部位置最好挑戰簡單嘅剪裁,有後皺褶的款式容易令到有腫脹嘅感覺。上身搭配淨色Tee、鬆身衣物、或版型稍長嘅上物衣物,可以輕輕鬆鬆將贅肉收埋!

下身襯闊褲亦可以令整體造型更利落,更有現代感嘅都市媽媽。

更多文章:【媽媽扮靚】 3分鐘化身潮媽 4種方便快捷編髮造型

instagram: @terawear 、 @ayuuu_mam @nakkoo555

【編按:以上內容為作者之個人意見及立場】

相關文章

【穿搭2020】日系媽媽的時裝魔法 GU Uniqlo 輕便搭配襯出模特兒身高

【簡易編髮】 告別一頭亂髮 輕鬆打造完美髮型

【孕裝2020】日系媽媽推介!UNIQLO GU入手 讓人眼前一亮的孕婦裝

【秋冬搭配】日系媽媽教路!盡覽小豆色大熱秋冬親子裝穿搭

緊貼新冠肺炎最新相關資訊