服飾穿搭

6.3K

【親子裝搭配】日系家庭穿搭術 擺脫一式一樣舊觀念

唔少媽媽都想同小朋友襯埋一套衫去街,為親子活動添加另一分樂趣。不過,係咪一定要遷就囝囡著啲卡通Print Tee或顏色鮮艷嘅衫?咁又未必!

以下呢位日本媽媽就親身示範,如何利用不同襯搭,去保持自己時裝形象,亦同時同小朋友襯到絕一絕。呢位嚟至日本廣島縣叫Aiko的媽媽,生咗四個好可愛嘅小朋友,分別6歲、5歲、3歲同一個半歲大嘅BB。 四位小朋友高度同性別都唔一樣,平日必定要用好多時間幫佢哋襯衫。究竟佢會用咩方法去幫佢哋襯衫呢?大家一齊嚟參考下佢嘅方法,影多啲相呃like 啦!

更多文章:日本3大髮飾推介 為囡囡造型點綴加分 

相同花紋
唔需要卡通Print Tee 先可以同小朋友襯到一樣,不妨考慮購入不同Size但同款花紋嘅上身衫。例如間條紋、格仔紋、各式花紋。單穿係出面又可以,襯返件外套都得。

更多文章:親子裝穿搭必備 8個不能錯過的高級兒童時裝品牌

相同色系
除咗花紋上身衫嘅配搭,不同顏色嘅淨色Tee都係一樣必備Item。簡單易襯之餘,亦可以避免刻意襯成一套嘅生硬感。而且家長依然可以保持型格形象,就好似日常自己外出穿著一樣。

Instagram @arw4kids

相同款式
另一位嚟至日本岡山縣嘅媽媽Marie,就有另一個親子襯搭術喇。就係同類Item 一齊著。 例如一齊著工人褲或者工人裙、闊腿褲、衛衣、毛毛褸⋯⋯ 將親子襯配更令人耳目一新!

Instagram @maaaa_rieee

兩位日本媽媽嘗試不同配搭,令到日常打扮變得多元化。不妨參考一下佢哋嘅襯法,再加入個人喜好,就可以有一自己一套有型有趣嘅親子襯搭術喇!

 

【編按:以上內容為作者之個人意見及立場】

相關文章

【母親節精選】 最強親子裝搭配打造專屬造型 於K11 MUSEA玩樂贏大獎!

【春夏童裝搭配】 留家學習都要靚!另類獎賞鼓勵讓孩子快樂學習

【春夏2020】親子裝穿搭必備 8個不能錯過的高級兒童時裝品牌

【親子裝搭配】星媽單文柔的童心 國際級歌手倖田來未都用佢!

緊貼新冠肺炎最新相關資訊