潮流好物

334

【用家推介】找到一家人用:舒緩濕疹敏感肌的「分子釘」

唔知係咪年紀大咗,以前皮膚的問題都係出下暗瘡,依家皮膚好易會敏感,例如:用咗唔啱嘅護膚品、M來前、天氣轉,我塊面都會面紅,有些位置更會痕或吉吉痛咁....而海豚B出生後除左胎毒時出過紅粒粒,一直皮膚都算唔錯,不過今年轉春天時,對腳仔唔知點解出咗以下呢D一撻撻野:

因為怕越來越嚴重,最後去了睇醫生,醫生都不太能確定是濕疹還是細菌感染。有朋友話可能是膠拖鞋敏感或者膠拖鞋唔清潔,於是海豚妹都暫時唔著拖鞋住,另外也改買了布鞋仔。加上用醫生開的藥膏,幾日就好返啦。不過,過左一星期,我又見到佢想復發!

唔想佢成日用類固醇,所以試下搜尋有咩產品啱佢用,最終我搵到呢隻可以大人同小朋友一齊用嘅:日本AK系列,呢個系列原本只喺日本診所賣,專門給濕疹患者使用的。而佢最近登陸咗香港!當然即刻要試下~

整個系列有齊潔面皂、化妝水、保濕乳液同UV防曬霜,可以用喺身體唔同部位,連臉部肌膚都可以用得,而且大人小童都適用!我同海豚妹妹就一齊用啦!

系列中主要幫助濕疹皮膚的方法是:補充天然「分子釘」,分子釘有「屏障功能」,令皮膚表層維持健康、鎖住水分,仲可以阻擋致敏原(如塵、蟎)進入皮膚,減少一般環境污染嘅刺激。

私心推薦

成個系列都感覺非常天然,但係我特別推薦AK既潤膚霜!呢款質地是油包水的,好滋潤,但又不會黏膩。用完之後覺得皮膚吸收曬潤膚霜,摸上去好滑,而且敏感甩皮嘅皮膚都覺得舒緩同滋潤咗!

另外,皮膚敏感除左保濕、抗敏之外,都千奇唔好忘記使用防曬產品!要揀一隻防敏、低刺激又有效既防曬產品,簡直係對敏感肌既朋友黎講係一大挑戰。AK系列裏面就有防敏感既防曬,呢款防曬是濕疹BB適用呢!

質地一樣好滑易推,好像乳液的質地,推開又不會有白色殘留物,而且質地清爽,唔會黏膩和有怪味。用後用洗面皂和水輕易沖洗乾淨即可。

用後比較

用咗整個系列一星期,海豚妹的皮膚好靚,而我最擔心腳仔的皮膚都有好轉,在不用藥物的情況下,無再反發,這位置的皮膚有時會見到微紅,但摸上去都變回滑溜了!媽媽我覺得好開心!

至於我面上的敏感皮膚都有舒緩到,今個月M來前沒有敏感出現,感覺是有幫助呢~

除了護膚品,大家都要留意,健康的生活習慣,例如飲食、做運動、減少壓力,都會對改善敏感和濕疹有幫助呢。另外,每個人的皮膚不一樣,所以每個人用不同產品的反應都不同,有時A覺得好用,B可能敏感,所以大家都要找適合自己的護膚品,希望大家大人小朋友都可以有靚靚和健康的皮膚啦!有興趣既朋友,可以睇埋下面,有關系列其他產品既用後感。

其他產品用後感:

藥用潔面皂 -滋潤肌膚同時又洗得好乾淨

化妝水 - 好水潤:

用完好舒服,可以即刻舒緩敏感不適,我是早晚洗面後用的,海豚妹偶然我會當潔膚水咁用。

保濕乳液 - 質地易推又順滑:

而且好快就吸收!我自己會用全面,海豚妹就用落全身。

大家也來一起交流一下,留言或私訊我也可!

DolphinB的 Facebook:https://www.facebook.com/dolphin.bluesky/

【編按:以上內容為作者之個人意見及立場】

相關文章

【媽媽實測】50惠育髮精華超神效,頭髮BB出來了!

【護膚診症室】點先可以避免戴口罩引起嘅皮膚敏感?

【媽媽美肌教室】爆瘡仲用手擠?中西醫教你處理暗瘡小貼士

【媽媽美肌教室】暗瘡十誡大公開! 排第一居然係佢?

緊貼新冠肺炎最新相關資訊