潮流好物

1.6K

春夏天不溶妝的秘密

本身因為皮膚成日缺水,所以面油都幾多。化妝出街一定會用碎粉定妝,不過有時下午都係T字位會溶妝,特別係春夏天。

見到呢支:持久定妝噴霧URBAN DECAY (ALL NIGHTER SETTING SPRAY),佢話可以16小時不會出現溶妝、乾裂、脫色、或細紋,當然要試吓用啦!

輕輕講下個原理:Urban Decay獨家與Skindinavia合力研發出Temperature Control Technology,此嶄新技術經臨床測試並獲得專利,採無油配方且不添加對羥基苯甲酸酯,適合不同膚質使用。

佢唔單止能有效降低妝容的溫度,仲可以令粉底、眼影、胭脂及遮瑕膏不易脫妝。

用法:
我照平時一樣化妝,之後跟佢指引:搖勻噴霧,然後手持瓶子離臉部8至10吋以「X」和「T」字型噴灑2至4次。

(注意:要避開眼部位置,噴灑時請緊閉雙眼。)
如果想令眼影色彩更為濃烈、不掉色且持久,可以試用All Nighter定妝噴霧噴灑眼影刷後再上色。

噴落去嘅感覺其實同水一樣,面上面會覺得有少少涼涼地,好快佢就會蒸發咗,或者被皮膚表面吸收左。

用咗定妝噴霧,明顯妝容的確是持久了,平時下午會浮粉,依家浮粉嘅問題少咗。
不過依然會有面油,所以都要印一印面油。少咗浮粉嘅問題,其實我都覺得好滿意。之前因為浮粉,會見到面上面啲粉底一達達,依家唔會有呢個問題,減少左尷尬情況。

【編按:以上內容為作者之個人意見及立場】

相關文章

緊貼新冠肺炎最新相關資訊