生活品味

1K

【日系修身】3日極速收肚腩!10個必學健康小習慣

成日都話減肥係女士們嘅「終生事業」,其實「減肥」唔單只係為咗改善身型,同時都係走向更健康生活嘅重要一步;身高158cm嘅日本瘦身達人Nashi 從努力改善飲食,加上勤做運動,喺3年間終於成功掃走15KG煩惱肥,由60KG減至45KG!

為咗令更多人走上健康之路,Nashi不時都會喺社交平台上,分享自己嘅「成功秘笈」!而喺留家抗疫期間,唔少人嘅運動量都會相對下降,加上在家工作,真係隨時坐足一日,面對飲食同生活習慣嘅改變,肚腩隨時悄悄找上門!

Nashi表示其中一個令作致肥原因就係暴飲暴食,而要對付體重反彈,Nashi就特別整合出【10項重整體型方法】,達致3日極速收肚腩效果!

【10項重整體型方法】

1. 過量攝取確認

Nashi提醒大家喺進食嘅時間,必須留意所攝取份量,要達致收肚腩效果,需要好好調整營養攝取,切忌過量進食:「我通常過量服用脂質和糖份。」

2. 進餐前5分鐘輕度運動

喺情況許可下,Nashi建議喺進餐前可以先做5分鐘輕度運動,佢解釋指:因為輕量運動具有血糖控制作用,有助防止脂肪堆積。

3. 糖份攝取 控制於80g-120g之間

承接第一點,其實只要管理好糖份攝取,身體多餘水份就會順應流走,體重亦會隨之而下降;Nashi以個人體質舉例,喺假日期間有時候都可能會食多咗嘢,攝取300g糖份過後,體重亦上升1.2KG!

4. 魚和蔬菜

喺選擇食材方面,食多啲魚類比其他肉類好,因為可以攝取優質蛋白質;另外,蔬菜當然係必需品啦!

5. 18:00之前飲用1.5升水

如果可以的話,Nashi會喺每日18:00之前喝1.5升,因為飲水可以幫助身體排毒,但一次過飲太多,恐怕身體亦未能完全吸收,所以佢就建議大家分段喝水,每次200ml效果就最好喇!

6. 19:00前進食晚餐

為咗確保腸胃能有效地消化食物,「睡前3小時」唔好大量進食,相信好多人都有聽過,而Nashi都係嚴格遵守呢個守則。

7.  沐浴20分鐘

呢個係Nashi經常做嘅驅除浮腫護理之一,如果沐浴20分鐘有難度,就只需喺關節處用熱水淋浴。

8. 按摩/伸展運動

若然食多咗嘢,Nashi會趁住沐浴後進行「浮腫管理」,喺血液循環狀態較佳,隨即配合按摩或伸展運動,修身效果更明顯!

9. 改善浮腫

喺應付浮腫狀態下,Nashi會選擇飲用「路易波士茶」同埋穿著壓力衣休息,之不過佢自言其實自己都唔係經常會咁做,亦唔算係好必要嘅項目,只係做完之後可以令佢更易入睡,所以佢都繼續keep住做。

10. 每日睡眠7小時

優質嘅睡眠可以消耗達300kcal,相反,如果睡眠不足,就只能消耗90 kcal,所以話如果瞓得好,躺著也減肥!

資料來源:nashi.stagram@instagram

【編按:以上內容為作者之個人意見及立場】

相關文章

緊貼新冠肺炎最新相關資訊