貴為港人旅行熱點嘅日本，佢嘅吸引之處可以話係數之不盡，除咗包羅萬用嘅彩妝產品、大型主題公園，當然仲有當地嘅特色美食，如果未有旅行大計又想為味蕾一解「相思之苦 」？其實喺香港都有好多原汁原味嘅日本美食！
來自東京嘅天吉屋喺今個夏天正式登陸旺角朗豪坊，以江戶時代起流行嘅國民美食－天丼作為主打菜，更喺「日本全國丼聯盟」大賽中名列天丼部門金賞獎，直至2018年已連續五度蟬聯；事不宜遲，依家就即刻嚟睇下天吉屋有咩好嘢食啦！
有別其他日本餐廳以綠茶作為主要配茶，天吉屋附上嘅係清香牛蒡茶，配上香口嘅天丼，都可以話係絕配，不過雖然話牛蒡茶既健康又養生，但味道可能唔係每個人都可以接受到，特別係小朋友，建議都係先淺嚐一下，睇下啱唔啱口味，而飯前開胃小食，除咗日本傳統醃蘿蔔，仲有醃牛蒡，為你帶來不同口味！
同場仲有椰菜絲供食客無限添食，配上柚子醋感覺醒胃，但就略帶微辣，小朋友食用前要注意。
講完前菜就梗係嚟到主食啦，香港天吉屋分店秉承品牌堅守嘅三大理念，以大眾化價錢、舒適嘅環境，令客人品嘗到日本原汁原味嘅天丼滋味，同時要以最快時間完成製作天婦羅，並迅速傳遞給客人，確保食物嘅新鮮與熱度，而且每位員工帶有笑容及展現活力，以呼應天吉屋嘅命名，因為「吉」於日本有代表快樂嘅意思，希望每位客人品嘗天婦羅後，都能感受到快樂。
香港限定— 軟殼蟹丼 — $158
HK Special—Soft Shell Crab Don
香港限定嘅軟殼蟹丼，選用優質鮮甜、厚肉嘅越南軟殼蟹，廚師仲會親身為同樣來自越南嘅黑虎蝦手工去殼，以保持黑虎蝦嘅彈牙鮮甜。
材料：皇帝菜、櫻花蝦、軟殼蟹、溫泉蛋、南瓜、茄子、飯
特色：軟殼蟹空運自越南，啖啖蟹肉鮮甜美味；皇帝菜配搭櫻花蝦炸成餅狀，造法新穎，加上天吉屋秘製粉漿同廚師精巧技藝，經油炸後嘅皇帝菜仍能保持新鮮爽甜，令小朋友見到都食指大動！
天吉雙品 — $108
Udon + Mini Tendon
天吉屋創作每道菜式配搭都十分講究，而呢款天吉雙品就可以畀食客一次過滿足兩個願望，同時品嘗到天吉丼同冷烏冬嘅滋咪！
材料：（二選一）
讚崎烏冬（溫食） ：冷柚子皮、乾海草、蔥花
稻庭烏冬（冷食）：冷柚子皮、紫菜
細丼飯 : 黑虎蝦、什錦炸物（洋蔥和櫻花蝦）、茄子、溫泉蛋、四季豆
特色：附設由日本空運抵港的讚崎烏冬及稻庭烏冬，可選擇冷或溫食，而烏冬上灑上冷柚子皮，更可帶出清新爽甜口感。
天幕御膳 — $148
Tenmabushi
天幕御膳為唯一可無限添飯菜式，備有三種創意食法，分別為：
- 天婦羅定食—品嘗傳統天婦羅的鮮味
- 天丼 — 先將天婦羅放於米飯上，再均勻淋上秘製天丼醬汁，品嘗星級滋味。
- 天茶漬飯 — 天婦羅放於米飯上，再澆下秒製高湯，最後可自行添加芥末或紫菜調味。
材料：黑虎蝦、軟殼蟹、海紅鯛配紫蘇葉、什錦炸物（洋蔥和魷魚）、茄子、四季豆、南瓜、炸紫菜
*天吉丼、All Star 丼及軟殼蟹丼均可+$15 追加白飯（須同時下單）
天吉丼 — $118
Tenkichi Don
天吉丼已榮獲連續五年日本丼聯盟天丼金賞獎
材料：黑虎蝦、茄子、四季豆、海紅鯛、魷魚、溫泉蛋、炸紫菜、南瓜
特色：廚師為求增強鮮蝦的彈牙口感，特意將兩隻鮮蝦合拼炸成天婦羅，且猶如木筏般的設計為天吉屋獨創。
All Star丼 —$108
All Star Tempura Don
材料：黑虎蝦、軟殼蟹、海紅鯛配紫蘇葉、什錦炸物（洋蔥和櫻花蝦）、雞肉、茄子、南瓜、四季豆、溫泉蛋、魷魚
特色：無論客人喜歡海鮮、鮮肉或蔬菜類別，於All Star 丼也能一併享受得到，名乎其實的包羅萬有。
天吉屋 Ten Kichi Ya
營業時間：12:00-22:30 (Last Order：22:00)
店舖電話：3105 0986
地點：旺角朗豪坊11樓25-29號舖
Facebook ID: Tenkichiyahk
Instagram ID: Tenkichiya_hk
