ViuTV於本年4月開始推出一系列自家劇集，口碑可以話係有目共睹，令唔少新一代開返個電視，又或者打開手機追下港劇；先有道盡婚姻盲點嘅《婚內情》，再有破格校園劇《教束》，劇集以生活作為背景，加上大膽嘅劇情，呈現出比貼地更貼地嘅真實感，實行將你平日唔敢講嗰句都做埋出嚟！
相關文章：【2019精選】10套大人小童必睇暑假電影
相關文章：【煲劇2019】下半年必追的5套韓劇 今日首播《WWW》
務求為劇迷帶來更多選擇，ViuTV嘅新劇當然陸續有來，而且更加係戲碼十足，多元化劇種，總有一套啱你口味！當中包括：由劉美君主演、圍繞三代關係嘅《好人好姐》、黃秋生坐穩光怪陸離嘅科幻劇《理想國 》，仲有由組合Mirror成員姜濤、楊樂文（Lokman）、陳卓賢同盧瀚霆（Anson Lo）擔大旗嘅《信任的遊戲》！
講到上季劇集精彩，後續令人期待，咁又點少得正在播影中嘅《仇老爺爺》；劇集由游學修監製執導兼主演，請來盧海鵬飾演「仇老爺爺」，到底呢對多年不見嘅爺孫會擦出幾多火花？而劇中更請來不少巨星壓陣客串，包括：鄭中基、鄧麗欣等等，令劇集更添亮點！
鵬哥同游學修喺劇中除咗演活隔代關係，如何透過生活，打破「廢老」同「廢青」嘅鴻溝之外，近日劇情亦帶出咗離婚對下一代嘅影響，當中飾演游學修媽咪嘅盧巧音，為咗面子加上唔知點同親友交代，想迫游學修出席自己再嫁婚禮，但就下下只係提住「有畀錢」，其實作為子女又係咪有錢就夠？呢個問題，可能都值得每日忙於工作「為頭家」嘅家長停一停、諗一諗。
劇集重溫：https://viu.tv/encore/haters-gonna-stay
關文章：【煲劇攻略】《僅此一次的愛情》小鮮肉金明洙5月22日上架
相關文章：【煲劇2019】上半年不得不追的5套韓劇
《婚內情》劇集重溫：https://viu.tv/encore/till-death-do-us-part
《教束》劇集重溫：https://viu.tv/encore/limited-education
更多ViuTV節目詳情：
官方網站：https://viu.tv/
ViuTV facabook專頁：https://www.facebook.com/ViuTV.hk/
