睡眠嘅重要性係人都知，但係而家嘅都市人往往有好多原因唔夠訓。做野做夜咗、掛住睇波、失眠等都會令到你第二朝冇黎精神。想提神好多人都會選擇Coffee，但始終Coffee飲得多都會傷身，仲有乜野提神好方法呢？
1. 音樂
朝早流流渾渾噩噩嘅時候，聽一首輕快嘅歌的確可以叫醒你，跟住唱就更醒神。但係記住要避免啲幽怨嘅慘情歌，以免有反效果。
2. 飲水
盡量嘗試起身之後飲一至兩杯水。其實我地訓咗成晚，身體係處於缺水狀態，要恢復身體運作需要靠飲水，飲多啲水就會令你快啲醒。
3. 洗臉
每朝洗臉嘅時間試下加啲薄荷味或者薰衣草油入凍水度，會有助洗走你嘅睡意。
4. 舒展筋骨
試下每朝起身拉下筋，加速血液循環，等身體盡快進入狀況。
5. 食早餐
研究指，食早餐嘅小朋友專注力同記性都會比較高，咁你就知食早餐嘅威力啦！早餐會為我地提供一日嘅能量，幾趕時間都唔好skip呀。
6. 用腦
著名作家Scott Young 喺書中提到：「每日起身做一件你最用腦嘅事。一啲有創意嘅事例如寫作、畫畫、設計等會比靜靜地咁睇書好。每日朝早專注咁做一件事會提升你當日嘅專注力。」
7. 飲Smoothie
好多人以為Smoothie就係加咗奶嘅奶昔，亦有人翻譯做沙冰，但其實Smoothie都可以用yogurt做，仲健康啲添！一杯鮮果Smoothie有充足嘅維他命同礦物質，係健康早餐嘅好選擇。
8. 油拔法
油拔法係近年一個排毒嘅新方法。含住一啖梛子油喺口入面10分鐘，唔好吞，之後吐返出黎。呢個方法雖然係騎呢啲，但好多人都大讚work，仲可以改善皮膚質素！
資料來源：
http://www.lifehack.org/articles/lifestyle/8-alternatives-coffee-start-your-day.html
