明明飲無糖汽水，點解會越飲越肥？

天氣熱，走入便利店、茶餐廳、快餐店，甚至回到家，都想飲些冰凍的飲料。想飲汽水，又怕高糖又怕肥，於是轉飲無糖系列，以為用代糖等於無卡路里等於健康點。究竟係唔係？

汽水糖份高，除了會引致肥胖外，亦會令血糖上升，增加患上糖尿病風險*。有研究顯示，每天飲1-2杯含糖份飲料，患上糖尿病的風險比其他人高26% **。

然而，無糖汽水，雖然用代糖，原則上只有很低，甚至不含卡路里，但原來對控制糖尿病的效果不是很大。根據美國臨床營養學期刊發表的一份研究，追蹤了超過六萬名女性14年時間，她們喝飲料的習慣。研究發現，不論飲用代糖或原味含糖的飲料，她們都比其他女性有較高糖尿病風險***。

而飲用代糖汽水的一群，依然會面對肥胖，三高等問題。

至於為什麼代糖明明無糖，依然不等於健康？有專家解釋代糖有機會影響到腸道的益生菌群，從而影響胰島素的敏感程度，以及控制食慾的荷爾蒙，所以就算用代糖，都不等於會瘦會健康。

坊間常用的代糖包括蔗糖素(sucralose)、阿斯巴甜(aspartame)、山梨糖醇(Sorbitol)與及甜菊糖(Stevia)。

想飲冰凍冷飲之餘又想健康啲，不妨試吓自製汽水：用有氣礦泉水加新鮮果汁，或青檸加兩片薄荷葉，既健康，又可消暑解渴。

參考資料：

*BMJ 2015;351:h3576
**Diabetes Care 2010 Nov; 33(11): 2477-2483
***Am J Clin Nutr. 2013 Mar;97(3):517-23.