生活品味

645

轉季發現衣櫃啲衫又黃又霉點算好?直播拆解生活疑難!

抗疫期間,男女老少都只能留在家中甚少外出,而平日很喜歡出外運動的連詩雅(Shiga)也不忘在社交平台分享在家的操肌照,並希望疫情早退。日前她就接受17直播的邀請,與兩位主持人齊齊做直播,將生活小百科與歡樂帶給大家。

更多文章:【廚房收納】廚房煮食用品點收納、防潮?3招收納廚房貼士

在「17 x 種星星 《生活小百科》」直播節目中,Shiga與主持人齊齊挑戰不同生活百科問題,例如:無開瓶器點開玻璃樽?舊衣物點去漬等難題,與網民探索生活小百科。

1. 波鞋污漕咗應該點清潔?

講到洗波鞋,其實坊間都有唔少方法,最常聽過又最方便嘅都應該係用牙膏洗,但若然牙膏幫你唔到,或者可以試下用梳打粉加熱水浸泡波鞋5至6分鐘,然後再用適量嘅洗衣液塗上波鞋污跡,用牙刷輕輕一擦,就馬上搞掂!

2. 舊衣物點去漬?

每次轉季都發現衣櫃入面總有幾件衣服變得又黃又霉?特別係白色衫就更難處理!講到衣物去漬,其實有好多方法係慳錢又方便!

衣服之所以會變黃,大多數係因為熒光劑變弱,如果想衣物恢復潔白,就要諗下計仔,好似清除白色衣物嘅污漬,可以利用檸檬切片煮水,再將衣物浸泡大約15分鐘即可。另外,可以使用洗米水或將橘子皮放入鍋內加水煲煮後,將衣服浸泡、搓洗就可以輕鬆令衣服恢復潔白。

3. 如何徒手開蘋果?

徒手開蘋果原來唔係壯男先做到?其實係關乎到機械學,而步驟就只有三個,首先將蘋果莖部(俗稱蘋果椗)整斷,然後將2隻手指公放喺蘋果中間凹陷嘅位置,再用力向左右兩邊一開,就可以輕鬆就到啦!

更多文章:【收納2020】頸鏈易打結、耳環剩單隻?收納師教你3個飾物小竅門

4. 無開瓶器點開玻璃樽?

喺日常生活中,總會遇到想開玻璃樽而又搵唔到開瓶器嘅處境,莫非真係要用牙咬?而其實原來生活周遭處處都係開瓶器!因為簡單嚟講,以槓桿原理就可以解決呢個問題,只要利用硬物向上一推就可以打開,所以鐵湯匙、皮帶扣、打火機,以至多重摺疊嘅A4紙都可以做得到!

5. 以塗改液除枱上筆漬

原來塗改液除咗可以修正錯處,仲可以徹底去漬?

唔知大家喺使用俗稱箱頭筆嘅油性筆時,有無試過唔小心畫花咗張枱,但無論用咩方法都抹唔甩?如果話你知,喺呢個時候塗改液可以幫你徹底去漬你又信唔信?

因為塗改液含有機溶劑,正正係水洗都唔清嘅油性箱頭筆殺手,只要喺筆漬上塗滿塗改液,等佢乾咗再刮走,就可以溶走箱頭筆嘅污漕啦!

【編按:以上內容為作者之個人意見及立場】

相關文章

緊貼新冠肺炎最新相關資訊