美妝護膚

4.7K

【冬日護膚】乾燥到皮膚痕癢兼甩皮?醫生教護肌急救法

冬天皮膚乾燥,我哋都會用保濕精華液同保濕面膜急救,但係效果有時都唔夠持久,瞓醒覺皮膚就變番乾燥,甚至會甩皮!我哋可以喺塗抹日常嘅保養品後,再補抹一層薄薄既凡士林;由於凡士林係礦物油,可鎖住皮膚水分避免流失,而且刺激性低,小朋友都可以用。

要留意有時甩皮原來係出現皮膚炎,可以塗凡士林解決。如果怕礦物油唔透氣,建議可選用橄欖油等植物油,其他如綿羊油同馬油等致敏率較高,使用時需要小心呀。

另外,天氣寒冷時,好多人都會開暖氣來取暖,但呢個習慣會令屋企嘅空氣變得乾燥,從而令皮膚乾燥同痕癢嘅問題更嚴重。

我會用加濕器,喺開暖氣時嘅時候同時使用加濕器,令空氣保持一定嘅濕度,咁就唔會抽乾面部皮膚嘅水份啦!

洗面同沖涼時都盡量唔好用太熱嘅水,因為熱水比較刺激,會令皮膚乾裂,如果本發炎嘅皮膚更加會變得嚴重;而產品方面,可以避免使用含有「皂鹼」嘅沐浴或潔面產品,因為佢會過度洗淨皮膚嘅天然皮脂,令皮膚無咗保護層,皮膚就會又乾又癢甚至甩皮啦。

【編按:以上內容為作者之個人意見及立場】

相關文章

【媽媽美肌教室】「黑過舊炭」點算好?教你分辨UVA+UVB 從此「一白遮三醜」

【護膚2020】來自法國的抗衰老醫學塑顏面膜!15分鐘助你即時緊緻嫩膚

【抗疫護膚】擊退口罩下的油光暗粒 以清爽淨白肌示人

【媽媽美肌教室】認清防敏萬年不敗成分 買護膚唔使再心慌慌

緊貼新冠肺炎最新相關資訊