美妝護膚

908

【冬日護膚】全靠廚房入面支橄欖油?

天氣開始轉涼,踏入冬天,乾燥嘅天氣容易令皮膚變乾,甚至係出現細紋,所以補濕就非常重要啦!

以下有幾個冬日護膚小貼士俾大家:

用溫水洗面

「冬天咁凍,啲水凍冰冰真係好難忍喎,用熱水舒服咁多,都係1、2次啫,都OK㗎嘛⋯⋯」嗱,咁諗就錯啦,因為真係1次都唔好。

用熱水洗面會過份洗走面上嘅天然油份,又會刺激皮膚,到時皮膚炎就麻煩啦;洗面最好就用室溫水啦,但有時真係太凍,用微溫水都可以㗎

定時補水

就算朝早搽咗幾多層厚cream,到咗下午就總係開始皮膚乾,但又化咗妝好難再搽cream驚整花個妝?

我通常用花水混合透明質酸精華,裝落噴霧樽度,隨時都可以噴幾下補濕keep住皮膚水潤,怕麻煩嘅就可以直接用屋企有補濕成份嘅化妝水。

鎖水用油

有時用咗好厚嘅cream都覺得唔夠滋潤,可以試下用油加強鎖水;市面上有好多嘅護膚油都以幾種植物精華油混合而成,有齊各種油嘅好處,例如係抗氧化等功效。

而最就手嘅就係喺屋企廚房入面嘅橄欖油,,隨時加一滴落cream度混合再搽喺面,都幫到手咖,效果唔錯又經濟。

由內而外

當然要記得飲夠8杯水啦,如果唔係個人身體入面乾噌噌,搽咩喺面都無用啦!

【編按:以上內容為作者之個人意見及立場】

相關文章

對抗新冠狀病毒!NCCO — IG 3合1皮膚鎖水修護膜

【媽媽美肌教室】3個錯誤去除黑頭粉刺方法要戒掉!

【美妝2020】SOGO 35周年賞開鑼!不能錯過的購物盛事(持續更新)

【媽媽美肌教室】防曬霜多到數唔曬 盤點物理及化學防曬特點

緊貼新冠肺炎最新相關資訊