美妝護膚

588

【冬日護膚】媽媽必讀!冬季手部護理方法

冬天天氣乾燥,雙手肌膚難免變得粗糙,甚至容易出現手部皮膚炎!唔好以為係家庭主婦先會患上「主婦手」,其實不少人士,因為職業嘅關係同樣有呢個問題㗎!

我哋平時最常使用嘅就係手,做家務或工作時,都會經常接觸到不同嘅物料,例如:顏料同塑膠等化學物質,有啲工作同清潔有關,就會令雙手長期濕水,或者係時常用梘液洗手,而有啲工作喺户外,就會令雙手外露喺陽光下,皮膚會受到刺激,加上天氣乾燥,皮膚變得脆弱,就會容易出現手部濕疹,出現甩皮、痕癢、紅腫嘅情況,仲可能會有小水泡同疼痛嘅感覺,而呢個就係俗稱嘅主婦手!

要預防呢個情況,可以定期使用潤膚產品,尤其係注明濕疹皮膚適用,無香料同色素等刺激成份嘅潤手霜;手部嘅皮膚本身較厚,可以用較潤嘅產品,例如:油份較重嘅ointment類,甚至係凡士林。

呢類產品建議可於瞓覺前塗上,之後可以戴上棉質手套,加強吸收。至於日間要工作,用咁油嘅產品好似唔係太方便,就可考慮使用較清爽嘅 lotion類,一覺得乾或者洗手後都搽多次,令雙手keep住濕潤。

平時要避免觸碰刺激性的物料,例如:梘液或要濕水時可以佩戴手套;平日用嘅手襪避免用皮革羊毛等物料,而選用棉製嘅產品。當皮膚有急性發炎時,甚至要喺沐浴和洗頭時都戴上手套㗎!如果手部皮膚炎太嚴重,就要睇醫生啦。

【編按:以上內容為作者之個人意見及立場】

相關文章

【護膚診症室】濕疹要戒口?重點出擊K.O.致敏原

【媽媽美肌教室】西方美容真的能極速解決皮膚問題?

【聖誕2019】告別倦容!8個必學扮靚急救小貼士

【媽媽美肌教室】跳出刻版困局!中醫如何看護膚?

緊貼武漢肺炎最新相關資訊