美妝護膚

656

【冬日護膚】媽媽肌至怕遇到天氣乾燥?4招預防冬日濕疹

冬天天氣乾燥,濕疹特別容易發生;如果皮膚水份唔夠,就會容易龜裂同引發濕疹,就算係用暖爐,一樣係會令皮膚乾裂,而到春夏回暖時,又易潮濕出汗,濕疹皮膚就會又發炎,搞到成年都斷唔到尾,所以我哋要著手預防濕疹發作,咁就全年都keep住皮光肉滑啦!

天氣乾燥我哋就控制唔到嘅,可以做嘅就係室內用下放濕機,令屋企空氣保持一定嘅濕度。皮膚補濕方面,可以喺半濕水嘅狀態下搽潤膚膏,例如:洗澡後,皮膚半濕嘅狀態,或者係用濕毛巾整濕皮膚,先再搽cream,而搽cream 無嫌多,就算係每日搽5次都沒有問題㗎。

另外,記住沖涼唔好用不要用太熱嘅水呀。

如果皮膚太乾,可以試下潤膚油再加潤膚膏一齊用,如果天氣都唔係太凍,仲忍受到嘅話,就避免開暖爐、用暖氣或電毯啦!如果唔係,就會令皮膚吹到乾,濕疹就會容易發作啦!

當皮膚出現痕癢或者發紅嘅症狀時,要避免大力抓佢,因為過度抓皮膚,有機會令皮膚受損,甚至令濕疹皮膚俾手指嘅細菌感染。如果太痕時,建議可以用冰敷或輕拍嘅方式舒緩下。

另外,身體狀況都會影響濕疹,其中最常見就係情緒影響,例如:學生功課考試、成年人工作受壓力都會令濕疹發作;而體質差,例如:感冒後同女性嚟經期前後,濕疹都會特別容易發作,所以果啲時候,就要特別多休息同調養身體,預防濕疹出現啦!

【編按:以上內容為作者之個人意見及立場】

相關文章

【搭配2019】冬日潮童指標!作為媽媽5個必睇嘅Kids KOL

【冬日護膚】小蜜蜂的聖誕巡禮 APIVITA貼心修護之選

【秋冬搭配】日系媽媽教路!盡覽小豆色大熱秋冬親子裝

【冬日護膚】乾燥到皮膚痕癢兼甩皮?醫生教護肌急救法