美妝護膚

2.4K

【小編直擊】日本藥妝暢銷防曬!呢個夏天ALLIE殺入香港

熱辣辣嘅夏天要嚟喇!雖然佢會令你流汗黐立立,出街仲硬食冷氣機熱力同滴水問題,但嗰份陽光感,又真係令人好想同陽光玩遊戲!之但係對於愛美一族,熱同流汗都係小事,伴隨嘅防曬問題先係重點,如果唔好好預防,曬黑最多花啲時間就會白返呀,最怕就係引晒啲黑色素出嚟,變成難以K.O.嘅色斑!

專門推出高效防曬產品嘅日本品牌ALLIE喺今個夏天正式登陸香港!屬於Kanebo旗下嘅佢,自2000年品牌誕生以來,堅持不斷研究同開發以「抗紫外線,強調觸感,呵護肌膚」為重點嘅防曬品;2018年,品牌更引入全新「 FRICTION抗摩擦技術」,利用彈性塗膜技術,令防曬乳強力不易脱落,令使用者唔使隔幾個鐘就補搽一次,整日守護肌膚,真正全面預防紫外線侵害,成為各大藥妝店最暢銷防曬品牌之一!

ALLIE全新 EXTRA UV防曬列

五款皇牌防曬產品,備有SPF5OPA++++高度防曬指數,包括專為面部底妝而設嘅清爽配方EX UV高效防曬亮顔飾底乳(HKS189/60g)及EX UV高效防曬亮顏BB霜 (HKS139/30g),同埋面部及身體兩用防水抗汗配方EX UV高效防曬水凝乳(HKS189/90g)、EX UV完美高效防曬乳(HKS189/60ml)及2019年熱推EX UV高效防曬亮白水凝乳(HKS149/60g) ,適合香港悶熱 、潮濕天氣或外遊使用。

EX UV高效防曬亮顏BB霜 - 臉部專用飾底BB霜,防水、耐汗,同時更抗「摩擦」,能自然提亮及遮瑕!

EX UV高效防曬亮白水凝乳 - 白肌潤飾防曬,長效持久透亮白肌粧感,臉部身體兩用,可用一般卸妝品卸除;高亮度細珠光有助提亮膚色,來長效持久透亮白肌粧感。

小編親感:ALLIE嘅產品可以話係價廉物美,以價錢嚟講絕對係抵玩又抵試,佢除咗防水之外,仲要加埋抗摩擦技術作為賣點,減少因為衫呀、袋呀磨擦而令削弱防曬效果,而且質地乾爽唔黏笠,小編覺得絕對係加分點!

對於準備夏天周圍去嘅你,ALLIE可以話係相當吸引,唔需要擔心因為流汗或者落水而整甩晒啲防曬,隔幾個鐘又要補,真正保護肌膚!

銷售點:指定SASA, COLOURMIX, WATSONS, AEON, @cosme, LOGON

【編按:以上內容為作者之個人意見及立場】

相關文章

香港天氣笠痴痴,防曬用咩好?!

緊貼新冠肺炎最新相關資訊