美妝護膚

1.2K

【認清護膚第一步】點解洗極面都勁出油?

潔面係護膚嘅第一步,如果做得好,往後所塗搽嘅護膚品就更易吸收,保養效果自然係事半功倍。

有病人問:「醫生,我已經用好勁嘅洗面膏,點解皮膚仲係咁多油同易出暗瘡?」

講到呢個問題,其實可能係因為有好多人都對潔面產品都存有誤解,有啲潔面產品喺使用後,會令皮膚有好乾爽嘅感覺,主要係因為成份上用咗強力嘅SLS等成份,但呢種過強嘅洗淨,反而會令皮膚過乾,皮膚會因為咁以為唔夠滋潤,令佢分泌更多油份,所以會導致有越洗越出油嘅情況出現。

我以前都成日有出油嘅情況,搞到生咗好多黑頭同粉刺,仲有暗瘡添。自從轉咗用含有較溫和成份潔面產品,例如:氨基酸同無皀性潔面乳之後,皮膚就開始穩定落嚟,洗面後,唔會有皮膚鞋十十感覺,反而係滑滑地,咁就係洗得啱啱好。

潔面產品有油狀、乳狀、啫喱、粉狀同膏狀等,而易出油朋友,就要避免太滋潤潔面油同卸粧霜啦。

而潔面次數嚟講,皮膚點油都唔好洗多過2次,用水太熱的話,會過度洗走天然油脂,反而會造成過度清潔,會更加易出油;而用太凍水就容易刺激皮膚,所以用室温或微涼水就可以喇。

【編按:以上內容為作者之個人意見及立場】