美妝護膚

623

【護膚診症室】媽媽美肌從根本出發 去腳皮有妙法

點解年紀越大,腳皮就變得粗糙?其實腳皮嘅形成係同磨擦有關,行路行多咗擦得多,腳皮就會增厚啦。

如果平時無做好保濕嘅功夫,增厚嘅腳皮就會乾燥,有時仲會裂開,影響外觀。適當咁去腳皮,可以幫助腳板變番白滑,著人字拖都無有怕啦。

去腳皮最快嘅方法,就係用剪刀,但係就容易剪到腳皮唔平,有高有低咁,而且如果力度控制得唔好,甚至會整損㗎。

唔想用剪嘅話,可以用打磨皮嘅方法,咁樣做會需時較長,但磨完腳皮就會平滑好多啦。每星期磨一至兩次就夠啦,而且要輕力磨,覺得有痛楚嘅話,就即係太大力或者磨得太多,咁就要收手啦。

近年仲有大熱嘅足膜,利用水楊酸或酵素等,溶解舊皮,一路睇電視做自己嘢,等一陣就可以輕鬆去腳皮,非常方便。

當然就要留意腳皮有破損發炎時就避免用啦,而且都係每星期用一至兩次就夠,以免過份刺激腳皮,無光滑咗不特止,仲造成傷害,甚至係皮膚炎。

去除腳皮仲可以用暖水浸下腳先,令腳皮軟化,容易啲整走,喺而家咁凍嘅天氣,可以令雙腳靚靚又暖笠笠,一舉兩得,你仲唔快啲試下?

【編按:以上內容為作者之個人意見及立場】

相關文章

【彩妝2020】YSL BEAUTÉ 限時優惠選購攻略 網陷春夏美唇風潮

【親子裝搭配】星媽單文柔的童心 國際級歌手倖田來未都用佢!

【彩妝2020】不能錯過的YSL 4大新品 限量版氣墊粉底網店預售!

【鼠年運程2020】快來看!新一年在哪方面會有新開始?

緊貼新冠肺炎最新相關資訊