美妝護膚

1.9K

【護膚診症室】過期化妝品仲用唔用好?

成日話貪靚係女人嘅天性,各大化妝品牌推出咁多新產品,加上幾個月一次嘅優惠日,都會忍唔買啲化妝品,但係得一塊面又點會用得哂,所以好多時都會有成堆化妝品喺屋企,有啲重見天日時都已經過咗期。

更多文章:【護膚診症室】轉換新年新髮色 不容忽視的頭部肌膚

最近有英國嘅大學進行研究,針對消費者提供嘅化妝品進行檢測,發現 90% 以上都帶有有害細菌,其中仲包括大腸桿菌同金黃葡萄球菌,而呢啲細菌都係可以對健康造成影響,尤其是如果呢啲含有有害細菌嘅化妝品用喺眼睛同嘴等部位,更容易令人生病,對免疫力較低嘅人嚟講就更加高危!

其實化妝品都有保質期,一般未開封嘅化妝品都可以保存3年,但要留意開封使用後,就只有幾個月嘅保質期,而保質期嘅長短就係根據商品特性,例如:睫毛膏容易滋生細菌,一般嚟講都唔好用超過3個月;而粉裝嘅產品,例如:碎粉,因為當中無水份,所以都無咁易滋生細菌,保質期都會相當長少少,可以放耐啲,一般大概6個月左右。

更多文章:【護膚診症室】扮靚心慌慌!化妝品致癌?Paraben 成份你要知

當然,可以放幾耐都係講緊一般情況,大家都應該留意產品有無變質,例如:已開封產品有無變味,或者出現油水分離嘅狀態;如果有嘅話,就算產品未到建議保存期限,都唔應該再使用!

圖片來源:[email protected]

【編按:以上內容為作者之個人意見及立場】

相關文章

【彩妝2020】ETVOS AW20 打造不需卸妝的天然復古煙燻妝容

消委會檢測:14款含鉛氣墊粉底 可經由母體傳至胎兒 恐構成健康風險

【美妝2020】全新夏日系列 小編熱推10大人氣護膚化妝品牌

【彩妝2020】復活節限定!小編推介8大精選品牌優惠

緊貼新冠肺炎最新相關資訊