美妝護膚

3.8K

【護膚診症室】陀仔皮膚特別差?!孕媽媽不斷爆瘡可以點護理?

坊間有傳聞,「生仔皮膚會變差,生女皮膚會變好」,到底係唔係真嘅呢?答案係No!根據美國家庭醫學委員會研究,發現懷孕期間皮膚會出現唔同嘅皮膚變化,原因係受體內賀爾蒙影響,同生仔定生女係無關㗎!

至於懷孕時會出現暗瘡問題,其實係一個好常見嘅狀況;首先,暗瘡嘅成因係由於男性賀爾蒙影響,導致皮脂腺特別活躍,加上暗瘡細菌就會形成暗瘡啦,而懷孕嘅時候,暗瘡會變得更嚴重,係因為體內賀爾蒙受懷孕期變化影響,分泌比例產生咗轉變。

更多文章:【護膚診症室】黑頭粉刺愈來愈多?胡亂使用黑頭貼或者係元兇!

情況輕微嘅話,可以試下戒口先,避免進食辛辣或刺激嘅食物。另外,又可以根據出油量調整護膚品,選擇不導致粉刺嘅產品。

對於處理暗瘡問題,好多藥物會影響胎兒生長,甚至有機會導致畸胎!絕對唔適合孕婦使用,例如:四環素抗生素、維他命A酸等暗瘡藥,所以不斷爆瘡嘅話,就建議盡快睇醫生,由醫生處方適合孕婦嘅暗瘡藥物,例如:紅霉素抗生素等。

更多文章:【護膚診症室】過期化妝品仲用唔用好?

除咗藥物治療外,孕婦仲可以選擇進行醫療換膚,例如含有AHA成分嘅醫療換膚,可以去除舊角質層,從而減少黑頭、粉刺同暗瘡,但換膚就唔好自己喺屋企或美容院做啦,必須經醫生診斷皮膚適合治療後,先至好做,因為有啲換膚成分如BHA係唔適合孕婦㗎!因為BHA有可能會影響胎兒,所以進行前,必須話比醫生知道目前懷孕狀況,等醫生可以小心選擇適合你嘅換膚治療。

【編按:以上內容為作者之個人意見及立場】

相關文章

【媽媽美肌教室】「黑過舊炭」點算好?教你分辨UVA+UVB 從此「一白遮三醜」

【護膚2020】來自法國的抗衰老醫學塑顏面膜!15分鐘助你即時緊緻嫩膚

【抗疫護膚】擊退口罩下的油光暗粒 以清爽淨白肌示人

【媽媽美肌教室】認清防敏萬年不敗成分 買護膚唔使再心慌慌

緊貼新冠肺炎最新相關資訊