好多女士都有黑頭問題，而黑頭處理得唔好更有可能發展成暗瘡，令人好煩惱！
其實粉刺有分白頭同黑頭，如果皮脂分泌過多或皮膚角質嘅代謝唔正常，就會形成白頭；而白頭同外界環境接觸後，經過氧化的話就會變色，形成黑頭，至於粉刺發炎就會形成暗瘡！
更多文章：【護膚診症室】助你擊退長期配戴口罩引發的皮膚問題！
唔少人因為貪方便想即時清除黑頭，都會有用手擠粉刺嘅壞習慣，有時過度用力，仲會有機會整傷毛囊，甚至令皮膚紅腫發炎，嚴重的話仲會留印添！如果喺擠粉刺之前無好好清潔雙手，細菌仲會喺擠壓粉刺過程中，令粉刺受感染，形成暗瘡。
另一方面，使用黑頭貼亦係好受歡迎嘅做法，但係其實撕出嚟嘅係正常油脂分泌物，底層嘅污垢仲喺度㗎！過度使用鼻貼，甚至會令毛孔更粗大，而敏感同濕疹皮膚嘅朋友使用鼻貼要更加小心，因為當中嘅化學成份係會刺激皮膚，有機會引致皮膚發炎。
更多文章：【護膚診症室】過度使用酒精搓手液 隨時會變主婦手！？
要對付粉刺，可以定期用去角質產品，例如係果酸類護膚品；而激光療程亦有助收細毛孔同改善油脂分泌過盛既粉刺性皮膚。
