疫情持續到依家，唔經唔覺已經嚟到夏天喇。最近唔少人已經換上短衫短褲，喺時間幫一對靚手解放，換上夏日新裝！今個夏天，韓國流行簡約不累贅嘅風格，參考下以下4 款提案，同美甲師一齊商量最合適你嘅款式啦！
更多文章：簡易清新 10款自家製美甲推介
美人魚鱗光
呢種款式充斥係韓國Instagram 各大美甲店，成為最熱門搜尋Keyword：#뉴머메이드파우더，英文意思係New Mermaid Powder。 形容似美人魚鱗咁，晶凝通透。令雙手雙腳即時氣質感UP！
圖片來源：nail_by.jjoo @instagram
磨砂風玩味繪圖
磨砂面的獨特、玩味線條、夏日色彩，幾種元素令到大家雙手變得特別搶眼，可以配搭其他心水圖案或線條，創出獨有美甲。
圖片來源：nail__andmore @instagram
淡淡的雲石紋理
雲石款式美甲不再局限只用深色線條去勾畫，用淡淡白色畫出雲石感。加上特別貓眼石顏色、淡色系列嘅顏色，雙手即時充滿氣質。
圖片來源：sliannueijmik @instagram
變奏金屬線條
2020 已經唔會將一大塊金屬色顏料塗滿整塊指甲，反而會畫出流動狀幼身線條。底色可以選擇單色，或者顏料渲染底色，又一款獨特唔悶款式。
圖片來源：nuninail @instagram
