美妝護膚

1K

懷孕護膚分享!誤用產品有機會造成畸胎

懷孕時用嘅所有產品,都一定要確保對BB安全,所以我喺準備懷孕時已停用所有抗老產品,因為好多抗皺產品都含有retinol (或維他命A)成份,研究已證實會造成畸胎。

另外,因懷孕時體外賀爾蒙變化,容易造成色斑,所以孕婦們應加強美白同防曬嘅護膚步驟。

我自己懷孕時主要用有機天然同成份簡單嘅醫學護膚品;首先喺潔面方面,先使用無皂潔面液,減少皮膚過敏既機會,之後就會用玫瑰花水作補濕,加埋透明質酸精華,混合維化命C粉,令皮膚水份充足,同時預防乾紋色斑。

至於面霜選擇,我就會揀選以有機植物調配嘅產品,鎖住水份。早上出門前30分鐘,就搽好礦物成份嘅防曬霜。晚上因爲開住冷氣容易抽乾水份,臨訓前我會加1滴有機山茶花油加強鎖水。

番工時,大部份時間留喺冷氣房,到咗下午皮膚已經開始變乾或出油,所以我會喺下午用花水同化妝綿清潔面部,再重覆以上步驟,同補番防曬霜。

每日我都定必食奇異果、藍莓或紅石榴,加強肌膚抗老。

希望各位準媽媽都一齊努力,陀B都keep住容光煥發!

【編按:以上內容為作者之個人意見及立場】

相關文章

緊貼新冠肺炎最新相關資訊