美妝護膚

953

至Fit準媽媽纖型你要知!孕婦大肚要忍口

時常聽到懷孕時唔食得生冷野,原因就係可以導致流產嘅李斯特菌。李斯特菌喺泥土、水,腐爛植物等自然環境中存在,一般人感染可以完全無徵狀,但孕婦感染後,有機會將菌傳播俾BB。

懷孕頭3個月感染可導致流產,就算係懷孕最後3個月,即係29週至40週,感染都可致BB早產甚至死亡,所以成個孕期都唔好鬆懈。

好多fit 準媽媽都食沙律,想健康啲,但係如果啲菜處理得唔好,分分鐘都有李斯特菌,因為泥土內係有李斯特菌㗎,所以食沙律就最好自己整,確保夠乾淨。

另外,軟芝士、牛奶同雪糕都係高危食品,孕婦一定要選經過巴士徳消毒過嘅奶至好飲,而我自己就會煲過啲奶先飲,確保安全。

仲有要留意,連煮熟左之後,放入雪櫃既食物,都係唔可以食!因為呢隻菌喺雪櫃嘅低溫都照生存,所以所有食嘅一定要係加熱到有蒸氣出咁熱先食得!

安全起見,我都係選擇食煮熟嘅食物;反正忍口都係10個月,生完就點食都得啦。

【編按:以上內容為作者之個人意見及立場】

相關文章

緊貼新冠肺炎最新相關資訊