2022-03-28

1.9K

《反起跑線聯盟》引發港媽港爸共嗚 梁詠琪拒絕成為「怪獸家長」

ViuTV新劇《反起跑線聯盟》上周一首播,以現今父母教育理念為題材,劇中多對父母的個性及教育理念都大相逕庭,他們在樂悠悠幼稚園發生的事及親子關係,引發不少港媽港爸的共嗚!

《反起跑線聯盟》由劉偉恒監製兼執,由梁詠琪、周家怡、潘燦良、強尼主演,袁富華、陳曼娜、陳欣妍、Locker 林家熙、練美娟、梁業、岑珈其、袁綺雯、薛國斌、李炘頤聯合主演。劇中梁詠琪Gigi飾演的Nora 拒絕成為「怪獸家長」,與潘燦良飾演的「虎爸」教育理念各異,經常展開激辯。

「潘燦良個角色要小朋友贏在起跑線,但Nora就好唔同,佢希望放手、放鬆,最緊要係小朋友快樂!」同樣身為人母的Gigi認為,小朋友要有良好發展,不一定要做「虎爸」、「虎媽」,重要的是小朋友有身心平衝的發展,「我自己都唔係虎爸、虎媽環境下成長,我對個女都唔係要求分數,反而更注重享受學習樂趣。」她認為,教育要視乎小朋友的個性而調整,但品德上的教育就要較嚴厲,「身教係好重要,大人要用正確人生態度生活。」Gigi 認為小朋友玩樂時間十分重要,她發現女兒在空閒的時候,會自己尋找樂趣,「我見到佢同公仔玩煮飯仔,扮返學,發現原來佢會發揮想像力,其實家長唔使安排太多嘢。」

疫情下,家庭生活模式一百八十度大轉變。Gigi 同樣較以往更多時間在家中,家人近乎24小時在一起,一開始不太習慣,但慢慢開始摸索到相處方法,「依家就要好好安排小朋友時間表,始終小朋友唔太識自律,要安排佢哋玩一陣又休息下,休息下又學習,又玩一陣,家長都唔可以叫佢哋自己玩,要陪引導佢哋。」她又認為,與老公要分配好時間,並有相同教育標準,便可以減少磨擦,抗疫生活便可以較和諧。

Gigi 又沒有面對過與小朋友上Zoom的痛苦呢?「開頭上Zoom 好混亂,因為小朋友始終都係依賴,你以為佢上Zoom 你就唔使理,唔夠10分鐘又嚟,一時話冇電,一時又搵唔到呢樣嗰樣!明明要上堂,但仲見佢坐喺度!」但她認為,始終視像課堂是新模式,大人和小朋友都需要時間適應,這段時間不應對小朋友要求大多,給予適應期,「慢慢你會發現佢哋會識handle問題,依家囡囡叫我幫手我都唔會即刻幫,都會問返佢記唔記得我點樣做,等佢諗一諗,慢慢就會好啲,佢乖乖上到Zoom,你會多咗時間做自己嘢!」

面對疫情,小朋友正常生活受到影響,如何令小朋友適應巨變呢?Gigi認為可以趁這個機會與小朋友探討深入的活題,「我會同小朋友解釋,大環境改變唔到,我哋只能夠適應同保持正面樂觀,解釋畀佢聽世界有地方打緊仗,有人捱緊餓每個人都承受緊苦況,要保持知足常樂心態。

疫情亦令Gigi 的童裝店生意大受影響,但她相信難關總會過去,「依家百業蕭條,各行各業捱緊,要保住員工飯碗,開托網上同埋海外銷售,疫境係會過去,過程要冷靜, 最重要係點樣積極喺疫境之中搵到生機。」

 


相關文章

【反起跑線聯盟】4位小演員大爆片場趣事 Gigi親自下廚:真有得食

【贏在起跑線】有錢爺爺坐擁18層樓 3孫每人送2單位 目的為鞭策孫兒?

內地小學生名字只有2筆劃 學霸父:希望孩子贏在起跑線

緊貼新冠肺炎最新相關資訊