近日新聞不斷討論「基因改造 BB」議題，我睇完新聞後，為人父母的我，即時唸：嗰 2個 Twins BB 以後不用再怕爸爸會係生活上傳染到愛滋病俾佢地，唔係更人道咩？
唔通咁樣都唔係叫「見死不救」？點解全世界 D 醫生都咁大反應要反對佢？唔通佢地身為醫生了，就要企係道德高地，要加埋咁多條例及道理係社會到？
之後... 我又唸，其實係咪真係有其他方法？上網 search，做下功課先 .....
問：個 BB 如不「改造基因」，就天生會有「愛滋病」嗎？
根據 香港衞生署網頁：性接觸是主要傳播途徑 (在此不討論 BB爸爸愛滋病的由來)、其次是母嬰感染、血液傳染：共用注射針針筒、不當傷口處理等。
哦，咁即係就算BB爸爸有愛滋病，個女是天生不會有愛滋啦！
問：「基因改造 BB」的需要？
話雖如此，BB 咁細，(身為人母很明白) 仲有咁多年要爸媽照顧。萬一傷口處理不當受感染，亦真的有一定的風險嘅！
賀建奎亦回覆：「基因改造，不僅針對是次愛滋病例，還包括很多家族性遺傳病等。」
當然，亦有醫生學者質疑是次「基因改造」的真確性。但我們姑且先當真有其事。
問：「基因改造 BB」的不必要?
中大醫學院副院長盧煜明在報道解釋：「實驗過程中除了改變目標基因外，亦有機會同時改變其他基因，例如會導致嬰兒出現癌症。
他又指，有關實驗會改變人類下一代的基因圖譜，而衍生出來的問題或會在幾代之後才浮現。
現時有關技術發展尚未成熟，人類亦未有道德共識，再加上目前已有技術可以減低愛滋病毒帶菌者精子中的病毒，認為有關的實驗並非必要。」
哦，明白！即現今科技，除改變了目標基因外，仍有很多不能預知的下一代/ 或未來的潛在風險。
但如霍金謂：「超級新人類快將誕生！」只但願「自主進化」中的「基因改造」科學實驗過程，能按步就班而已！
他朝一日，在不久的將來，如果你有得選擇，你會把你的孩子「基因改造」嗎？
文 、圖： 曾媽三寶
