2023-02-21

2.3K

【夫妻關係】結婚四年與工作狂丈夫缺溝通 人妻:對佢無咗愛嘅感覺

夫妻之間的溝通非常重要,一位人妻早前在討論區上問一眾網民,到底「無咗愛嘅婚姻仲可唔可以行落去?」人妻坦言,自己覺得對老公已經沒有愛的感覺,有時甚至不太想見到老公,不知該如何是好。

一齊討論💬 無咗愛嘅婚姻仲可唔可以行落去?

人妻在親子王國討論區上發文,提到自己與丈夫結婚四年,夫妻之間一直少有交流,丈夫將心機放在工作,無時無刻只顧著工作。人妻形容,「佢唔知我唔開心,唔知我唔舒服,有時連我講嘢佢都聽唔到」。

然而,丈夫並非待她很差,每個月會交足家用,努力地提供安穩的生活予她與小朋友,「雖然我哋好少嗌交,表面上一家四口好幸福,但我有時會覺得好孤獨,想搵個人傾訴都無」。她又提到,由於丈夫平日工作繁忙,連她懷孕時也沒有太關顧她,甚至連她患產後抑鬱丈夫亦一無所知。她坦言,不知道在甚麼時候開始,對丈夫已失去愛的感覺,「唔係好想見到佢,佢想同我親密但我想推開佢,我都唔知點算好……」

不少網民建議她應跟丈夫好好聊天,人妻則指出,她已提出過,而丈夫卻認為自己已關心了自己,「佢做嘢已經好大壓力,佢話佢又唔係唔理屋企,唔明點解我唔開心。」她反問,其實是否自己要求太多,「我都知道自己已經幸福過好多人,我哋咁樣其實係唔係好平常?」


相關文章

老公精神出軌後拒絕有性生活 令港媽心酸:佢留低係咪只得責任無愛?

【離婚悲劇】單親母不敵抑鬱症 先殺6歲兒子其後自殺不遂 留下遺書內容極心酸

懷疑老婆出軌 人夫崩潰:要靠食安眠藥先瞓到

【幼兒安全】2歲半男童疑貪玩用毛巾按壓初生妹妹的臉 險致其窒息!

緊貼新冠肺炎最新相關資訊