老人家願意且有心有力幫手照顧小朋友真的並不容易，要好好珍惜。有位在職媽媽日前在親子王國討論區上分享，提到阿仔原本由奶奶照顧，但近半年因為老爺退休而奶奶又開始返兼職，所以交由老爺幫忙，意外發現了老爺細心的一面，她非常感恩有好好的老爺。
相關討論：好多謝老爺幫手湊我仔
這位媽媽在討論區上發文，提到因自己要上班，兒子一直由奶奶照顧，可是奶奶有時候會縱容小朋友，或者任由小朋友看手機和觀看影片；有時更會在兒子面前「畀說話我聽，話阿仔做乜唔中意返屋企啊，唔中意跟阿媽啊等等」。她坦言，自己確實有感到不開心，但明白老人家湊仔並不容易，「有時會嬲自己，人哋肯幫你湊仲想點，好矛盾」。
直到近半年老爺退休，而奶奶又開始返兼職，就變成由老爺幫手照顧。雖然老爺有時也會縱小朋友，但不會故意「畀說話我聽，有咩都係客觀講」。此外，老爺習慣早起身，因此送兒子返學永遠「有早冇遲」。曾有一次放學時間下大雨，她特意請假去接兒子放學，可是到達學校後見到老爺已到達，手緊握著其兒子的手，又揹著其書包和被鋪，「嗰下真係好感動，好感恩自己有個咁好嘅老爺」。不少網民都表示，「老人家幫手湊孫好難得了，多孝順老人家」、「老爺真好，亦欣賞你懂感恩」！
